星期四，高層同事 P 自掏腰包請飲茶，慰勞慰勞，15個人一大圍。同事選址好彩集團集團旗下彩雲軒。
擺滿一檯o既點心式o左三四輪，好誇！點心質素中上，不過份量比較細，炒粉麵相對地略為遜色。
湊巧同事 I 生日，叫o左一打壽包！好巨型！！！！
(製作需時 20 mins )
服務一般，冷氣極度強勁，記得帶備外套。
再次多謝 P 請飲茶。
‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧
中式飯局 (二)
星期六，同阿媽食母親節飯，阿媽話煲落湯，細佬又o係屋企，OK，同埋男友一齊返屋企食飯，阿媽煮，男友買o左燕之家即食燕窩比我阿媽。(因為臨急臨忙 :p)
重病中，叫阿媽煮得清淡o的，阿媽結果煮o左呢o的......
腐乳炒通菜，豉油王煎雞翼，超鹹豉油蒸多寶魚，白灼蝦配辣豉油，花膠茶菇藥材豬骨湯 (但係落o左好多鹽......)
吹漲！
所以我食得好少，飲o左兩碗湯就罷.......你唔怪得我呀！
‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧
中式飯局 (三)
母親節正日，同男友屋企人飲茶，男友 daddy mummy，阿哥再加細佬連埋我六個人，世伯等我o地等得太耐(?)自己走o左去拎位飲茶，男友屋企附近一間屋村酒樓。新裝修過所以都 OK o架~ (其實呢，我o地 book o左龍華酒店不過我就梗係唔出聲啦~)
我買o左老行家即食燕窩比伯母。(因為臨急臨忙 :p)
因為都仲係病緊，所以我都係食得好少，點心水準都唔錯~ auntie 勁夾o野比我食，嘻嘻嘻~
男友哥哥埋單比錢。呢餐其實係臨時臨急搞出o黎，所以今個禮拜二 (唔打風的話) 應該會食多次咁lor。--------------------------
彩雲軒
地址：側魚涌英皇道 979 號太古坊德宏大廈二樓
電話：2590 9398
菜式：中式
家樂大酒樓
地址：沙田沙角村沙角商場3樓38號
電話：2647 7901
菜式：中式
發佈留言