6pm，友人 A 小姐 MSN 問有 show 睇去唔去，最緊要，有 Soler！
Soler 喎！！去！去！去！病都去呀！！
因為朝中有人好辦事，小妹有幸有o的朋友於各傳媒機構工作，其實近年睇 show 通常都能夠得都靚位門票，今次都唔太差，會展前排右側 (呀我記得上次睇 Edison 都係坐呢邊)，不過我主要都係望電視。
新城年中搞不下十零廿個音樂會 —— 我 personally 就唔多 buy，無論 rundown，音響，燈光，stage set，顏色配搭，甚至化妝，特別係司儀 (演唱會做乜又會有司儀？！！！) 都比商台差好多皮！！情形就有如無線同亞視，一個係大婆，另一個就永遠都二奶 feel —— 甚至係三四奶。但有一樣o野好，值得其他機構借鏡，就係電視會出字幕，要明白，當o的音響差到聽任何o野都係「o拿」埋一舊o既時候，字幕，真係幫到好多o架！
今晚呢個 show 除o左有我想睇o既 Soler (Dino 真係好鬼死正
) 之外，仲有側田 (原來佢真係好多 fans，仲要係好癲果隻)，有 Stephy (套衫唔知想點，荃灣屋村商場仔 feel
，live 比想像中好)，有王宛芝 (套衫唔知想點80‘s格仔檯布)，有衛蘭衛詩 (超似樣，衛蘭套衫唔知想點，同埋有o的甩)，有梁漢文(瘦到頸現青筋)，有何韻詩 (壓場，可惜病o左，失聲，唱《花見》要「mind嘴」，其他都要夾硬唱，真係戥佢慘)，o的班底都好商台下~ 場 show 算好睇！最後—
(1) 好彩，無啤梨！！！！！！
(2) o依家o的 stylist 真係…唉~ (或者 同o的 artists 有仇？！)
(3) 衛蘭唱o左 Cyndi Lauper "Time after time" 同埋 Soler 唱 Oasis "Wonder Wall"，我見到全場o的細路無人識呢兩首咩o黎靜晒...我好驚...死啦~~~~~~ 我好老！！！！
發佈留言