十年唔去一次旺角，一去，仲要係我自己一個去，即刻出事。
係咁勁買o野！
買o左燒碟用 CD-R，一堆細件o既 cleansing foam 同 toner 做 gym 用，一盒 Olay 保濕 mask，一件衫，一抽頸鏈，一條電話繩，兩隻扭蛋，兩對耳環，仲有兩本書！
其中一對耳環，購自已經無晒三仔四仔同老翻o既信和，有間舖頭仔叫喜亞喜，賣o的中式o野，幾得意，而且o的 accessories 唔貴，呢對耳環 $30 only。
書兩本購自上樓書店開益，仙人 R 指路，話開益最抵喎~
右邊係杜祺峰搭韋家輝銀河影像班底，潘國靈主編o既《銀河影像‧難以想像》，講咩？唔知~ 因為我仲未拆袋，不過我估都係講下創作靈感果類咁o野啦~ 點解買？喂！你係咪真係有睇開我 hompy 架~ 杜祺峰 fans o黎呀我！折扣後$158，好貴~
左邊係繁體字版余華o既《兄弟(上部)》，折扣後$70，我呢排好鐘意睇o的同文革有關o既o野，呢本想買好耐，但係手頭上其實仲有一堆書買o左未得閒睇，尋晚去買杜琪峰果時都係忍唔到買埋。
最後呢個好無聊，係我後尾去食老麥開心樂園餐換o既~ 嘻嘻嘻嘻~ 識著燈o架果粒波~~~~~ 今日開始換笛子魔童！正~
實不相瞞，我係《龍珠》 fans o黎o架~ 嘻嘻嘻嘻~
一晚加埋又無啦啦無o左幾舊水，好彩o岩o岩出o左個細 bonus je~ 唔係咁樣買法都唔係好掂~
發佈留言