自己做.減肥餐第一擊 之 意大利風肉醬麵



早兩星期前已說了要減肥,明顯地,沒怎麼實行過。:p

OKOK......我最近也覺得自己很過份 -_-

所以剛訂下了減肥大計!沒減到10磅肉,我是不會罷休的!!!

各位好友不要約我去飯局了!(飲局則不受影響)

這意大利風肉醬麵食譜是在一本日本雜誌上看過的,不過略為改良了一下本地材料方便煮食,味道出奇地好啊!金菇零脂肪多吃也不怕,男友試過也讚絕!減肥也不一定要捱三文治和沙律的呢~

意大利風肉醬麵 (2人份)

材料:金菇 4 包($13),免治雞胸肉 200g-300g (約$17),細蕃茄 2-3 個,洋荵半個,乾荵 1-2 瓣,蒜頭2瓣

做法:

1) 金菇菜切走尾部,洗淨分小束,放滾水稍微燙一下。剩起瀝乾水備用。

2) 洋荵蒜頭剁蓉。乾荵切細片。

3) 蕃茄洗淨剁蓉,有時間的話可先去皮,效果更佳。

4) 燒熱平底鍋,放1-2茶匙橄欖油,爆香 (2),下雞胸肉略炒,用鍋剷子炒成一顆顆的。

5) 下蕃茄蓉,略炒幾下。

6) 下 雞粉半茶匙 + 茄汁1茶匙 + 香草適量 + 水 三湯匙混合物。(用上湯的話則不需要下雞粉)

6) 煮至汁收乾,下少許鹽和胡椒粉調味兜兩兜即成。

溫馨提示:

金菇煮後會出水,不建議放飯盒或大量煮好放雪櫃。但雞肉醬是可以先做好的。此食譜適合戒澱粉質減肥的美少女們。

--------------

減肥進行中 (Day 1)

早餐:烏龍茶 1 支 + 豬仔包乙隻

午餐:蛋白火腿白麵包三文治走牛油 1 份 + 雜錦生果 1 杯 + 烏龍茶 1 支

晚餐:無油無鹽外賣灼生菜一份 + 運動前吃了 4 片加拿餅

運動:1 小時 Hip-Hop dance class

減肥進行中 (Day 2)

早餐:烏龍茶 1 支 + 芝士火腿白麵包三文治走牛油 1 份

午餐:自己做意大利風肉醬麵 1 份

晚餐:自己做意大利風肉醬麵 1 份 + 維他 light 檸檬茶

運動:1 小時 yoga class

--------------

男友「車輪廚」我三分鐘熱度,於是我逼(屈)他扮纖體公司利誘我減肥,如果我能夠於10 月底前減到 10 磅,兼且不能翻脹,男友就買隻袋過我!

為了 Prada,努力啊!*o*
匿名 說...

岩岩用左你個方法做了明天午餐,不過唔記得買蕃茄同洋蔥:P
同埋做出黎既樣同你既差好遠,可能我落多左茄汁T.T

素顏天使 說...

李女 > 1) 蕃茄和洋荵是這個菜的生命, 不可不落. 2) 茄汁鹽份糖份好重, 好肥, 你見我平時甚少寫份量都寫o左只落 1 茶匙就知, 等個色靚o的先落咋. 3) 再接再厲啦 :)

Unknown 說...

咩咁多人減肥呢0.0?
好肥咩?...
我有一個減肥方法...
情緒極之低落就會瘦架啦.成日唸野都會,但係如你宜家係覺得肥...正因感情生活美滿冇咩煩惱,個人開心左就會開始肥...天使小妹.呢D係福氣黎架A.A...
睇黎個Prada都係向返間shop入面好d呢.KAKAKAK

素顏天使 說...

happy > 呢期不得不承認係好肥呀個人 (你都見過我架啦.....無理由唔覺 T.T) 但係女人減肥係自我增值一種, 君不見幾多麻甩不滿自己老婆好肥唔打扮無身材去包二奶麼?

但我係認同開心就會肥, 所以特別難減, 唉~

Unknown 說...

可能一早知你係咁啦...所以覺得冇咩覺唔覺...你又唸下你幾高先得架= =
減就要減得開心,唔好整壞個胃呢=^=
但係我都係覺得個Prada都係向返間shop入面好睇d...kakaka

素顏天使 說...

haapy > 我無講過你知我咩樣o架喎 before that party........who said it?? 梗係 PM 個八公啦? >.<

Prada 最靚當然係有人用果時 (譬如,我.). 要不你就講過, 要不我就 delete 你個 comment! 嘿!!!!

匿名 說...

我唔識煮飯架,今次小試牛刀,ok la...
我會努力,祝你prada早日得手...

Meling Lam 說...

1碗意粉熱量等於1.5碗白飯, 小心!

素顏天使 說...

apple > 我梗係知啦 :) 呢o的係金菇o黎o架!!

Meling Lam 說...

*0*

Unknown 說...

更係唔係啦...我係你中實fans黎架...你個樣同身型...我係向你個舊blog度睇到架...

FANS原因係...好多時,我比我個女友仲識得煮野,你食我身型都知啦,所以成日覺得你男人係個好幸福的人...(我都唔知幾想有過一個女友會識煮野...so詩黃咁就發呢)

知啦,個Prada最靚更係向你用住佢個時啦

匿名 說...

PAT~
你每日持續地將自己食過 D 乜都寫落簿記底.
(所有放入口的都必要地記下啊!)
縱使有時放縱了,第二天會很自覺的.
(一星期可放縱一至二餐, 不然人會很快放棄的)
加油!!! 我會過2天開始加入戰團!
這道菜很吸引啊, 待我到時試試看。

Designed by OddThemes | Distributed by Gooyaabi Templates