星期六會跟男友的家人一起遊澳門。
有老人家兩個，男友三兄弟和我 。即日來回，早船去晚船返。
如果不去賭場，想問一下澳門有甚麼好搞作，漁人碼頭有甚麼必吃/必玩?
想問一下蔡瀾和鍾偉文推介的那間茶樓在哪裡？另外鍾偉文推介那一家葡國餐廳 (那主理人好像叫甚麼哥的......)，還有雪糕三明治又是在哪裡的呢？還有甚麼是好吃的推介呢？
澳門的路我只曉得龍環葡韻一帶，還有吃過九如坊的木糠布甸，其他的都不太曉了。
麻煩各位指教指教~~m-_-m
------------
男 友哥哥搵到個 package，來回船票+觀光塔lunch自助餐 $400，抵唔抵？如果 lunch 事必要食 buffet (我唔食 buffet 的，所以好 lack of 呢方面o既資料)，仲有咩好介紹？Apple 提過o既葡京buffet，係賭場 / 酒店？聽聞金沙都好食，咁金沙 / 葡京 / 觀光塔邊個好食o的？有無詳細資料呢？價位又如何呢？
另特別鳴謝白老大幾本澳門旅遊書仔。}
------------
金莎的 buffet 據報已經沒有了。
在 yahoo 找到個有用的澳門美食 website，可能對各位也有用。不過少談及價錢，很難預 budget。
------------
天氣關係，順延至下星期六，謝謝大家的意見哦~
訂閱：
發佈留言
(
Atom
)
龍華茶樓／大龍鳳茶樓？
坤記？
／豬扒包！
唔該，幫個女主持打格仔！
去過漁人碼頭的朋友的評語是 - 愚人碼頭。Le Mieux Bistro 的大廚Ricky在某一期的飲食男女介紹去海灣餐廳食葡國餐。
龍華茶樓
地址：澳門提督市北街 3 號（紅街市側）
電話：（853）574456
營業時間：7am-2pm
鍾偉民介紹過媽閣廟附近的「銘記」，在河邊新街259號，做「豉油葡餐」。「歎番杯」Armando 地址：澳門荷蘭園正街十四號 電話：628-0339
葡京上的法國餐廳評語很好，但我猜較適合你和男友二人世界多一點，而且要早點訂座。
雪糕三文治在"禮記雪糕"
地址:荷蘭園大馬路12-12A號~~^^
我個fd奀年前既forward mail, 唔知仲岩唔岩駛...但水蟹粥一定要試~!!
成群 魚湯粉 (三盞燈)
發達 牛肉"蒙" (荷蘭園 美的路主教街)
禮記 紅荳雪條 (荷蘭園) **重有自製香芋雪糕**
風行 煙三文魚炒飯 (大堂斜路, 葡文書局側) **重有間連勝風行，個人覺得呢間好過大堂個間，重有三文魚蟹子炒飯，同埋(乙水)百里風行**
新富景 吉烈豬扒包 (幸運閣斜對面)
瑪嘉烈 葡撻 (南灣一線牽後面)**食葡撻就真係佢前夫安德魯D正過佢好多啦，不過要去路環，順便可以買埋香蕉蛋糕?反而幾鐘意瑪嘉烈o既自選餡料夾面包，雖然貴o左D，3樣料都要廿幾蚊**
園林 生牛米 (三盞燈附近)
武二 牛丸蠔仔刁 (皇朝大台北再出少少
中秋月 窩牛飯 (新馬路)
威記 葡式海鮮飯 (水坑尾 美麗街 or 新口岸葡國餐對面)
金滿堂 杏仁薄脆 (南灣hsbc側斜路)**整體o黎講，金滿堂o既產品唔係好得**
咖喱屋 蝸牛湯 (西灣)
大堂炸雞 雞扒包 (噴水池郵政總局側斜路上面)**去大堂炸雞唔叫炸雞，叫雞扒包，無野o下嘛，重有，當然要叫外賣啦，40蚊就邊度ㄟe啦**
北京餃子 全煎九菜餃 (新馬路金碧麻雀館對正)
麥師傅 杏仁合桃糊 (福隆新街西南飯店格離)
合記 生魚片, 魚皮 (永樂戲院上返一個街口)
偉記 生果撈 (澳督府側 or 白馬巷國華內)**偉記搵笨o既，19蚊杯鮮果雜，又加冰又加西米，生果自然唔多，唔好以為唔要西米 N會多D生果呀，我試過啦，重一樣要收番19蚊添呀，所以我係賣草地禮記幫o既**
保記 咖喱牛腩 (新馬路大豐對面左邊條街)
沾記 蝦餅, 淹生蝦 (荷蘭園二馬路)
誠昌 水蟹粥, 蒸蟮 (乙水仔 官也街)**而家官也街個間唔係以前食開o既誠昌啦，轉o左手啦，原先個間搬o左去橋頭，峰景廳呀**
金城 雞米 (雅廉訪幸運閣斜斜斜對面)
順記 海鮮煲 (近黑沙環偉記後面)
南粵 椒鹽雞中翼 (南粵批o巿場)
盛記 炸腸 (幸運閣對面)
杜榮記 炸腸, 白粥, (關前街口) 油炸鬼, 尤魚, 雞翼
三元粥品 肉丸粥 (清平直街附近)
駝背伯伯 蛋茶, 燉蛋 (渡船街)**阿伯o既蛋茶要夜晚11點後先有，另外係即做o既炖蛋，12點先有，不過佢11點開檔即剖去訂都未必有，要睇你係唔係排頭位ga**
莎杜娜 木糠布甸 (觀音堂)**另外有間都係食木糠布甸，係板樟堂聖安娜隔離斜路o既小甜橙，呢兩間都係葡式甜品~平價版o既首選**
打令~
其實我係你 blog 迷
呵呵
義順既芒果奶
仲打令？去十八桑拿啦！
NC就一係富都一係富城，再唔係試下新場利奧！晌我阿大個朵或者我容老九朵仲有果盤送添！
有澳門通話葡京 buffet 好掂, 不過難訂位呀.
賽車場上的「比薩餐廳」值得一去! Pizza 最正宗.
九如坊對面的「澳門咖啡」 - 下午茶飲杯葡式咖啡加件 toast.
呀估唔到咁樣問一問有咁多人reply (仲要係 CD-ROM)，謝謝 難渡怖山car, 小頭, 米雪, 朋友, 阿cyn, apple, yuen，就選今次唔o岩洗我都會 save 低下次同男友二人世界去時再玩的。
PM 同 容老九 你兩個玩o野我唔多謝你o地啦~ XD
至於實際上會去邊度玩，就會交由男友大哥/未來老爺奶奶話事了，我呢o的小混混只係負責做 research o架咋~
極力推介「歎番杯」，那裡的乳豬是必吃之選，但要早一天打電話給老闆預訂。
亞顏大姐，我老九一句到尾，完全就真心推爆介，唔係同妳玩野！唔信妳去問我老大X華(又名黎X)！！！
camus > thanks :)
容老九 > 點敢唔信你丫~ 嘿嘿嘿嘿~ (唔係你講澳門骨場, 我一路都以為你係女人!!)
o下？亞妹，妳以為我係女人？妳知我係乜水？
容老九 > 知呀!
金沙同觀光塔既buffet都不錯的，不過觀光塔有景，金沙則"黑麻麻"兼唔俾影相。
Have a nice trip!
哈！估唔到我老九個朵都幾晌！睇怕亞妹妳都有出黎油尖旺趁開！下話？
去觀光塔看看吧！當腳踏在玻璃的地板上，雖則明知沒有掉下去的危險，但想不到自己真的會腳軟！
puiyee > 金莎的 buffet 據說已經沒有做了，觀光塔可能會去但不會吃 buffet，我去過喝東西印像一般，謝謝你的提議 :)
容老九 > 我港島人，好少過海趁，你有無o係中環老銅趁下咁呀?
三蕊孔雀 > 觀光塔可能會去，謝謝你的提議 :)
亞妹，雖則我老九行番老正，不過舊底晌老銅惹落唔少仇家，家陣好少去咯！
發佈留言