狄娜



我少看電視,但我亦推介這個《大國崛起》的節目。年紀漸長,現在對於各國歷史都蠻有興趣,想當年我的會考中史和西史科夠膽死都拿個 U,還要是進場 30 分鐘就走出來,答卷時把題目抄多一遍當答案 kill time。如果當年的 history 老師看到這個上課時睡到流口水的女生,現在會看《大國崛起》應該覺得很不可思議吧!



《大國崛起》好看,除了原本買回來的片段好看之外,最主要是還有狄娜做主持。狄娜好看,在於她敢言,說話時夠串有 point。狄娜做豔星的年代,我未出生,對我來說她就只是個商人,我沒那些「佢舊時係豔星o黎之嘛~ 佢憑咩呀~」的這些有色眼鏡包袱。

今天讀《蘋果》港聞 ,狄娜小姐接受訪問時發火媽叉一番,除了大罵節目製作人自我言論審查之外,還對現時的政黨有一些見解,以下是內文節錄,好精采。

‧......《大國崛起》共分12集,遍述歐亞列強的振興歷史,節目在內地引發一片中國崛起的爭論。那麼中國算不算是崛起的大國?狄娜則劈頭一句:「當然唔係喇!」 她解釋「淨係一樣 fact (事實 ), 我 o地 超過一億人口冇溫飽,點去崛起 o者? 你崛乜 o野 起先得o架? 」

‧......「連自己人民飯都未有得食...... 你唔能夠睇 o個 o的 色情場所唱卡拉 OK 或者諸如此類 o個 o的 大款、o個 o的 暴發戶,見到佢 o地 就話中國經濟好,見到一萬億 o既 儲備就話經濟好。點解 你唔返轉頭睇 o下 我 o地 爭日本幾多錢呢?點解你唔睇 o下 江澤民同胡錦濤,做乜要將 o的 地割晒畀人呀? 」

‧...... 民主黨 7.1 跳海爭普選,她嗤之以鼻,「 胡喱馬叉又話要去跳海,咁你感動邊一個先得o架? 」民建聯愛國愛黨愛唱歌,她覺得無聊,「民主派對唔住香港,淨係識得利用香港人不懂國 情; 民建聯一樣對唔住香港人,日日唱國歌,咁又點o者?」

好勁!期待今晚《大國崛起》第二集,講荷蘭。
發佈留言
Designed by OddThemes | Distributed by Gooyaabi Templates