又一單



(轉載至《蘋果日報》,31 / 07 / 2007)

新 鴻 基 地 產 老 闆 娘 玩 殘 空 姐

機 艙 擺 行 李 起 爭 執 國 泰 機 長 報 警

(以下為部分內文節錄)

【 本 報 訊 】 闊 太 的 一 個 名 貴 手 袋 , 原 來 碰 不 得 。 新 鴻 基 地 產 副 主 席 郭 炳 聯 的 妻 子 郭劉 寶 賜 , 本 周 日 ( 29 日 ) 乘 坐 國 泰 航 空 一 班 由 日 本 札 幌 飛 返 本 港 的 航 機 途 中 , 拒 絕 依 從 國 泰 對 乘 客 陸 前 的 安 全 要 求 , 堅 拒 將 手 袋 擺 上 行 李 架 , 更 質 疑 「 你 呢 o的 係 乜 o野 規 矩 ? 」 她 為 此 與 一 名 空 姐 發 生 爭 執 , 機 組 人 員 以 有 人 影 響 飛 行 安 全 為 由 報 警 求 助 ,結 果 兩 人 陸 後 同 被 帶 到 香 港 機 場 警 崗 跟 進 情 況 。 新 地 發 言 人 昨 晚 指 郭 太 當 時 因 為 頭痛 , 才 出 現 這 場 誤 會 。  

記 者 : 譚 暉   陳 沛 敏   蔡 志 郁

據 本 報 獲 悉 , 事 發 在 本 月 29 日 一 班 由 札 幌 飛 返 本 港 , 編 號 CX581 的 國 泰 空 中巴 士 A330 航 機 上 , 郭 太 當 時 與 家 人 乘 坐 商 務 客 位 。 約 晚 上 8 時 , 飛 機 準 備 陸 本 港機 場 時 , 機 上 的 空 姐 開 始 執 行 陸 前 的 乘 客 安 全 檢 查 , 要 求 全 機 乘 客 椅 背 收 直 、 將 隨身 行 李 放 入 行 李 架 等 程 序 。

空 姐 請 纓 放 手 袋 被 拒
有 知 情 人 士 表 示 , 負 責 商 務 艙 的 一 名 資 深 空 姐 , 當 時 巡 經 郭 太 旁 邊 , 看 見 她 將手 袋 放 在 椅 旁 , 於 是 好 言 相 勸 , 請 她 將 手 袋 放 到 上 方 的 行 李 架 , 豈 料 郭 太 不 合 作 ,並 指 「 唔 放 , 次 次 我 都 係 咁 o架 啦 ! 」 空 姐 苦 口 婆 心 解 釋 這 對 飛 行 安 全 很 重 要 , 也 是 國泰 訂 定 的 要 求 , 空 姐 更 請 纓 說 替 她 放 好 手 袋 , 誰 料 這 又 惹 來 郭 太 另 一 番 詰 問 : 「 你 呢 o的 係 乜 o野 規 矩 ? 」

空 姐 無 奈 , 惟 有 即 時 知 會 外 籍 機 長 。 正 忙 於 準 備 陸 工 作 的 機 長 , 即 時 透 過 機上 的 無 線 電 話 通 知 國 泰 的 機 場 保 安 。 最 後 航 機 於 晚 上 8 時 23 分 安 全 陸 , 國 泰 保 安人 員 即 時 登 機 向 機 長 了 解 情 況 , 惟 當 時 郭 太 已 下 機 離 開 。 但 由 於 郭 太 尚 未 離 開 機 場禁 區 範 圍 , 她 其 後 被 有 關 人 員 截 獲 , 並 帶 到 機 場 警 崗 跟 進 情 況 。

郭 太 稱 因 吃 藥 惹 誤 會
據 悉 , 當 時 機 上 的 空 姐 及 機 師 都 不 知 道 這 位 「 護 袋 情 切 」 的 闊 太 就 是 郭 炳 聯 太太 , 她 的 身 份 到 了 警 崗 後 才 被 得 悉 。 至 於 與 郭 太 發 生 爭 執 的 空 姐 , 現 時 頗 感 憂 慮 ,擔 心 自 己 會 因 得 罪 闊 太 可 能 遭 受 公 司 處 分 , 但 其 他 同 事 都 讚 揚 她 的 表 現 很 專 業 。

警 方 發 言 人 昨 晚 證 實 , 周 日 晚 8 時 38 分 接 獲 國 泰 機 組 人 員 報 警 , 指 由 札 幌返 港 的 一 班 客 機 上 , 有 女 乘 客 與 機 組 人 員 就 擺 放 行 李 問 題 發 生 爭 執 。 警 方 將 事 件 列為 糾 紛 處 理 , 雙 方 被 帶 返 機 場 警 崗 後 同 意 和 解 , 警 方 毋 須 進 一 步 調 查 。 事 件 中 無 人受 傷 , 也 沒 有 任 何 人 士 被 捕 。

新 地 發 言 人 昨 晚 接 受 查 詢 時 指 出 , 事 發 時 郭 太 頭 痛 , 要 吃 止 痛 藥 , 卻 因 此 與 機 組 人 員 發 生 誤 會 , 但 經 解 釋 後 , 彼 此 已 理 解 。

-----------------

又一單「飛機阿姐」事件。

嘩~ 今次個主角係新地三少奶,而且又係 CX 喎!

丫~ 係咪國泰o的空姐特別好恰o架呢?

o拿我上次見果條阿姐 (舊文重溫──《飛機阿姐 Prada 版》) o的面口同阿三少奶有幾分相似,果o的稜角 (凌厲?) 嘴臉。可能呢o的面相o的人特別鐘意做呢o的o野,都係果句,「相由心生」。

當然八掛如我比較有興趣係想知佢用個咩手袋,《蘋果》(花邊)新聞組無寫喎竟然。

依我估計,該位空姐都係 send 定 resume 啦,炒硬,分分鐘做唔返呢行o添啦。分分鐘o的機長呀,拉佢o的差人都要炒埋呀,人地咁大勢力。

不過我覺得最戇居都係新地發言人話三少奶要食頭痛藥先引起誤會,係啦喎,就當你係真,頭痛食藥喎,成袋都係藥丸呀唔通?拎o左出o黎先唔洗死o者~ 頂,係人都知你係吹水,但唔該作個好o的o架囉,都係炒硬!

維園阿伯式結論,香港地得罪o的權貴都係無好下場o架啦~

11 則留言:

Pegpeg 說...

係架, 有錢人真係以為自己大晒囉, 上次董太一定要坐A1位置, 個空姐都無理佢, 佢講左自己係董太咪重樣衰. 今之呢位三奶都有點失禮囉.......返去都應該比老公同亞大婆鬧啦...

素顏天使™ 說...

pegpeg > 阿郭太係三奶唔係三奶呀~ 佢老公係郭炳聯亦即富商郭炳湘的第三個仔.

seikomatic 說...

食左藥就咁,唔食咪仲大鑊!

匿名 說...

點解你o既觀點咁似某個高登人o既?

素顏天使™ 說...

匿名 > 英雄(?)所見略同 maybe?? 咁呢單o野都唔會走得出o的咩新花樣觀點出o黎o架啦~

b 說...

當日該位空姐,其實並唔係香港人, 報警既機師亦唔係

佢地根本完全無頭緒阿三少奶係咩人, 就算而家上埋報紙, 講比佢聽係某某集團阿太, 佢仍然咩頭緒都無

所以, 佢當日根本無講過擔心自己會因得罪闊太可能遭受公司處分 :p

lulu 說...

我覺得食藥唔係藉口,報導有講過話呢位亞太應過空姐 [其他航機唔使 ]

cx好嚴緊,絕對做得好

難渡怖山car 說...

>佢老公係郭炳聯亦即富商郭炳湘的第三個仔?
郭炳湘、江及聯是三兄弟,其尊翁是郭得勝。

素顏天使™ 說...

難渡怖山car > thanks, 我柒o左, 謝謝指正.

惡女 說...

風頭火勢,CX唔會炒個空姐住o既,過多一排啦。

Q 說...

阿三少奶呢張相好頂癮 ~ 個髮型我覺得拍得住早前無記劇 "十兄弟" ~
空姐做得0岩呀 ~~ 唔跟規舉仲死快d ~ 如果因為有人唔放好個袋, 遇氣流d野通屋飛 , 傷到0既人多仲大鑊 ~