《Harry Potter And The Order Of The Phoenix》

WARNING:以下內文含劇情,不喜勿讀。


萬眾期待的《Harry Potter》來到第 5 集了,對於我呢個作為一個集集都有睇,會買埋 DVD 返屋企 loop 住咁睇的 fans o黎講,真係呢......估唔到佢咁悶!

係悶到爆果隻,差o的訓著呀!平鋪直敘的劇情,新的那位反派人物 Dolores Umbridge 又唔吸引,直情覺得佢係唔入戲果隻,o的戲又誇張又屎,但佢戲分最重喎。本來好有型的 Sirius (天狼星) 話死就死,一o的都唔 touching !係最尾打大佬果度有o的o野爆爆下個人先醒一醒。

比起出名悶的第 2 集還要悶,死火啦,個導演 David Yates 仲會拍埋第 6 集《Harry Potter and the Half-Blood Prince》o架!點算呀?

另外因為一眾主角都大個仔大個女,個感覺勁古怪,睇住成班麻甩佬扮細路。套戲有 flash back 返去第一集果時,見到個個都咁可愛,唉,時日如飛呀真係。




素顏天使評分 ── 鳥鳥鳥鳥,悶出 4 個鳥來。

7 則留言:

eu 說...

emma watson 越大越靚

JJs 說...

我是HARRY POTTER 迷, 但對電影版沒有太大期望. 覺得第一集電影很精彩因為它將所有的想像拍出來. 之後的都一定會看及會買DVD, 但怎麼拍都比不上書好看. 書說了很多, 而且ROWLING在每一本書都留下很多伏線, 在拍頭幾集時根本不知道有些人物之後是蠻重要的. 常常在想沒有看過書的人看電影不知是什麼感覺, 因總覺得劇情太多而電影的節奏太急了.

eu 說...

jjs:
yes, 冇睇過本書肯定睇到一頭冒水
但睇左本書我又嫌電影版太急

書係好睇過戲! 有多d想像空間同埋緊張d

素顏天使™ 說...

eu + JJs > 我無睇書, 但我又唔覺得好一頭霧水, 我淨係覺得今集拍到好叉悶呀~

BusyBee 說...

jjs* 完全同意!!
始終第一集係最忠於原著
完全拍到我想像中o既 HARRY POTTER 世界出唻!

JJs 說...

eu, busybee, patricia > 7月21日, 我會閉關直至看完結局, 因為真的很怕SPOILER. 請咗兩日假, 但應該很快看完啦. ENJOY!
另買了票再看3D版. 要坐後排中間才好看. 我第一場看坐太前看得很辛苦又看不到效果...

eu 說...

jjs>
我都訂左書, 不過係無可能2天睇得晒, 千其唔好爆結局:P