有關做 Gel Nail 的二三事

這是我上星期五做的 Gel Nail,一如以往,吩咐美甲師刻意做厚了,如果不是我就會把它咬爆(!)啦!之前做的銀色閃片看膩了想回歸平淡,就做了個普通的粉紅淨色再貼幾個香檳色的閃片作罷,但話說回頭,男士們該是比較能接受這些普普通通的花式吧。



因為最近收了很多很多的電郵詢問有關做 Gel Nail 的事宜,以我玩了大概年多兩年的經驗,有以下幾點要忠告還未做過但又有興趣心思思想要做的女生。

‧如果你本身的指甲保養得不錯,甲形又夠漂亮的話 (但我相信十個有十個的女人都會嫌自己的指甲不漂亮,正如那些五呎七吋高只得 90 磅仍然嫌自己肥的人一樣。),其實是絕對不建議閣下走去做 Gel Nail 的,一般的修甲已經是足夠有餘。

‧Gel 甲 的製造過程必需要磨花真甲的表層,手工好的磨得不會太深亦不會有痛楚,但坊間美甲師質素良莠不齊,我就曾經遇過一些令我有生不如死的慘痛經驗了,磨得太深痛之入骨。但無論美甲師的手工如何,停做 Gel Nail 之後,要休養回正常的指甲最少需要兩個月至半年的時間,視乎真甲的受損程度。

‧做了 Gel 甲 之後要加倍留意日常的手部清潔,我在家洗手時就有個小小的指甲刷,長指甲容易藏污納垢,日常接觸面頰容易令皮膚變差,這一點無論你問任何一個美容師和化妝師都會勸喻女士們盡量不要留長指甲的。

‧時間和金錢都是玩指甲女士們的必需要留意的地方,首先每次做 Gel Nail 都得花上最少 2 小時已不是人人都花得起。另外以本人為例,大概每兩至三星期就需要去修葺指甲一次,每次約 HKD$400,當玩一年計已經要 HKD$400 x 2 x 12 = HKD$9600,絕對不是一個小數目。

‧呀可能你會話我見過很多做 Gel Nail 的小店收費很便宜,特別是某些拍賣網的個人服務頁,甚至北上深圳做,少至大約 HKD$100 多元就有交易了。告訴你們一個真實的 case,我有一個友人的友人在多年前香港還不算是流行美甲的時候就開始玩水晶甲,上深圳貪得意光顧了一些質素不好的店。後來這位小姐在香港再去光顧某知名的連鎖美甲店,美甲師就發現這位小姐的手長滿色斑,懷疑是因為她之前光顧的店,做指甲用的那些照燈機的質素問題導致這個狀況。當然便宜不一定等於無質素,是碰到好的有良心的機會率較少咁囉。

希望幫到有興趣做指甲的女生們啦。

16 則留言:

歐晶瑩 說...

素顏唔該晒你, 資料好有用啊! ^ _ ^

匿名 說...

其實我想問戴隱形眼鏡做gel甲係咪真係好危險呢???

by yeah

chloe 說...

好多人都係貪靚又貪便宜,忽略了其他問題.我覺得一係就唔好做,要做就去有信心保證的地方...

素顏天使™ 說...

yeah > 呢個方法係一個長指甲帶 con 女仔教我的, 就係用指腹的肉去除 con, 咁樣就唔會插到眼. 但係我初初整指甲果時都唔慣 ga, 練左一排就 OK.

其實最好就唔好整得太長, 呢一兩年的 trend 都唔係興長指甲 ga.

apple113 說...

我剛做了軟gel的「有機gel nail」Calgel, 價值貴過普通gel nail 30-50%, 但可以自己剪、自己補, 又不用磨甲, 唔錯!

素顏天使™ 說...

apple113 > Calgel 無記錯係暫時只得 Nail Nail 有, 索價 HKD$900-HKD$1400, 對我來講就太貴了, 一個月做兩鑊, 一年已經 HKD$900(最少計) x 2 x 12 = HKD$21,600 了!!!!!!!

apple113 說...

我搵到間平一半的, 都係Nail Nail旗下. 但係可以自己補及自己剪啊, 一個月做一次就夠了. 剛剛先用指甲拑剪完, 同真甲沒大分別.

宇宙人 說...

站亂歌柄:

問心果句丫,麻甩佬睇女人,第一係樣,第二係身形(當然仲有知識內涵十幾廿樣)。你先天生得靚身材好,掂。識化妝 + 內/外衣配襯好,亦得。得左~

不過我地係從來唔會睇你地 d 花花指甲 ga wor ... 企企理理正常一個一雙手,攪咁多做咩 ?

可以短暫吸引到人視線,換來心中一句: 咁得閒既 ?? XD

素顏天使™ 說...

宇宙人 > 24歲只是麻甩仔不是麻甩佬.

so as what I said in the article, 普普通通無花巧的款式男人會比較 buy.

小坤 說...

指甲都係普通好... 搞到好似步姐咁我就覺得幾難頂.

拖完佢隻手應該會俾D指甲插到傷哂

閃閃 說...

apple113,
想問你搵到間平一半做Calgel甲既係邊呀?
可以email 給我嗎?
littlebluebb@gmail.com

apple113 說...

apple113> 那是 bread n butter nail, 在尖沙咀. 為什麼你會留言在這裡找我的? haha. I am at:
http://www.amymagazine.com/amyblog/meling/

Mickey 說...

千祈不要貪平,我剛做完一次好激氣,不要去火炭,心兒美集,差到不得了

Ting Hei 說...

我想問如果拆甲,有冇邊間做得比較好?

素顏天使™ 說...

Ting Hei > 我常去呢間http://www.handsupnail.com

beabotox 說...

之前睇過幾間做gel nail的,覺得好靚....
想問你去開個間學生有冇優惠呢?(因我只係學生)