粉絲

敝 blog 的閱覽人數不少,但留言給我或者電郵給我的人,不多 (總知一定比 ZZ 少啦)。而且,一百個有九十九個都是女的,無幾個是異性,而留言電郵給我的人,十個有十個都是問資料,當我是人肉美容雜誌或者人肉 Openrice。好灰。

我的 facebook 大概每天都會收到兩至三個陌生人的 friend request,有男有女,都是女的多。但是 add 了又點樣呢?add 了我的那些陌生人 add 了之後又不是會跟我說話,連 send 個 facebook drink 都無 send,即是完全無 follow up。咁,點解要 add 呢?(o拿,有口話人,我自己都是這樣的,基於崇拜的心態底下呢 add 了才俊 X 先生還有卓韻芝(!!),但是 add 了之後我連 drink 都無 send 過比人喎,點解呢?)(o拿我不是說其他人 add 我即是崇拜我,大家做個朋友咁o者,無聊人不要走來咬文嚼字)

據說有某知名女 blogger,會收到電郵邀約一起去 clubbing,或者上床(!!!)。喂,我有點羨慕喎,能夠令人有 fantasy 有性幻想,無論如何都是好事丫!

*********

10月15日補充─

因為自從這個 post 之後有太多陌生人 add 我的關係,我已經把 facebook 內我的 profile 相片刪去,早 add 的朋友不好意思,看完記得洗眼。

25 則留言:

匿名 說...

鬼叫你唔好似人地咁post d 酥胸半露呀, 著bikini 但影住背面呀果d性感照咩

素顏天使™ 說...

匿名 > 如果我真係 post 左咁呢度可能會零人流, 即時走晒囉大家.

v 說...

好啦,等我留下言,不過我都係女人

其實只要自己寫得開心,又何必在意他人

把自己的快樂放在他人身上,是不能持久的

我寫,因為我自得其樂

素顏天使™ 說...

V > 我無唔開心喎喂! 羨慕唔係 negative o架, 妒忌就係 negative 啦.

我呢係好鐘意見到有人比反應我, 咁你叻o者你寫完可以自得其樂, 我 prefer interactive 多o的咁o者.

3B 說...

據說有某知名女 blogger,會收到電郵邀約一起去 clubbing,或者上床(!!!)。喂,我有點羨慕喎,能夠令人有 fantasy 有性幻想,無論如何都是好事丫!
<<<<<<<< O下??? 羨慕?? 好事?? 如果係我, 我會覺得比人性騷擾多D. :-P

素顏天使™ 說...

3B > 我真係覺得無問題喎, 點解呢o下.

C.D 說...

你的blog都好好看呀!
加油!

D.

塞米一條揚陸轟炸機 說...

ZZ係咪即係以前我地谷友叫慣既"CD-ROM"?...

咁....咁我呢個讀者合唔合格呀....囧

講開反應,我都發覺近年自己既地頭人氣急降。問朋友,佢地又覺得寫開既野無跌過watt,咁,可能係我寫開既野唔岩市場口味又或者下下俾人睇完都令人無言啦...(咁點解呢又...我真係想知自己得罪左d乜囉...)

所以,都係當自己係維園阿伯算喇,有果句講果句,話知有邊水會黎睇,眼不見任何feedback為乾淨啦不如。

素顏天使™ 說...

D > 承蒙美女 D 小姐大駕光臨. :)

塞米一條揚陸轟炸機 > 佢係 ZZ.

3B 說...

又會唔會係你成日男友前,男友後. 呀水都知你有個勁steady bf, datz why你少異性粉絲?同無陌生人約你去clubbing同上床呢?
哈哈哈哈~~~ jk

Zoe 說...

其中一個路人。
不是看完沒感覺,(當然不是每一篇都可以有意見啦)而是有時覺得...自己還是一個愚昧的人,不敢有所言而已。
我明白,有時寫了blog,如果有很多人給feedback 的話,是一件很開心的事。其實你的blog 已經很成功啊!(例如可以免費去試餐、寫完某餐廳的評語有coupon送,多好!)小的也有受素顏天使大美人的影響啊~~
exposure 不是每個人都敢爭取的,雖然很多人都想;表達意見亦一樣,我想,如果不是「十分極之非常」有感的話,(這個很難吧?)大家都基於各種原因而吝於表達自己意見的。(中國人普遍都是這樣啊..Q&A環節可以鴉雀無聲)

一粒豆 說...

我開blog冇耐都做左你粉絲啦.
而且仲將呢個第一次留言留俾你. ^^

(不過我真係冇可能向Facebook度add你囉,
我仲係好唔願入Facebook)

素顏天使™ 說...

3b > 其實女仔約我去 clubbing 我 OK ga wor, 雖則我已經 2000 年無蒲過.

Zoe > Q&A 環節無人講野 <-- 講開又講, 前兩篇我寫的紫雲軒, 當日都有個 Q&A 環節問下個 chef 野, 除左我有問野之外, 真係全場靜哂喎! 做咩呢下?! btw, 多謝支持, 多的留言啦. (雖則我唔一定 reply, 因為好多時唔知 re 咩好 :p)

一粒豆 > 嘩!嘩!嘩!我好鐘意睇你 blog 架都, 你老公條 "發達毛" 生成點呢呢期? HSI 會唔會上到 30000 點可能就係靠佢呀!

chloe 說...

其實有人問你資料,都係覺得你係一個值得問的人,見你平時周圍食周圍買,咪覺得你咩都知d囉.不過講真,網友大家的生活沒有交集,話不投機半句多,除了無無聊聊頃两句就係套料...

hoyoyi 說...

I also agreed that it is because you mentioned of your bf, that is why no one ask you out... and you are famous now, no one dare to ask you for one night stand, they scare later you post all details here bout how good they are or how sucks they are...hehehe...~

JP 說...

這篇寫得好好. 感覺好真實.

Silly 說...

I am also your frequent reader.
Be honest writing blog just want to share with your reader.
No worries, just write what you want to!

anf 說...

咁我咪係小數男讀者?
好榮幸呀呀呀~

不過我無問你資料,
又無用facebook,
咁我係咪異見份子呢?

喵喵 說...
此留言已被作者移除。
一點紅@沉睡森林 說...

唔好咁啦﹐我都係男架﹐唔好話唔俾面喇。不過去 Clubbing 我唔係好掂﹐去清吧飲兩杯都或者得既。

素顏天使™ 說...

chloe > 你已經算係會有 follow up 果批, 起碼你間唔時都會響 MSN 傾下計. 我講緊好多係 send email 比我, 然後我答左, 多謝都無句好似老奉咁ga.


JP > 我都係呻下o者, 無o野o既.

silly > thank you for supporting ar.

hoyoyi > 慘, 乜原來我個人的型像咁衰似會o趙完唱咩?! j/k.

anf > 開返個 facebook account 玩下啦~ 人人都玩.

喵喵 > 所以你北北好勇呀, 香港男人吹水多行動少, 好難得哇~ :)

一點紅@沉睡森林 > 嘩嘩嘩! 係咪先?! 不如叫埋大熊貓同落花流水丫, 我好鐘意睇你地寫o野o架~

小坤 說...

邊個女Blogger 有人約上床? 我都有興趣喎! 大師點條路黎行o下!

小O 說...

我只是路過的,見咁熱鬧,又留個言。

有admirer及回應已很開心了,至於"電郵邀約一起去 clubbing,或者上床",千祈千祈千祈唔好啦。XD

如果要貼性感相來博回應,都咪搞我啦。 :p

Frankiewoo2001 說...

慢左添,睇唔到妳嚮facebook既相!

我都有facebook Account,不過add既只係一D熟人,成日覺得三唔識七既add左又冇野講,覺得自己好似為左想識多D人而add人咁,對對方好似好唔尊重!

littleman 說...

hi Angel
I read your blog at least once a week, your blog gave me a lot of fun such as fashion, and food guide. I really enjoy it!! just keep it up!! I will continue to support u in USA ar ^^ maybe i could ask u go clubbing with me when i back as i don't really know where to go...hohoho
anyway i just want to tell u i really love your blog