選擇題

又寫朋友的感情生活 (我問準主人家才寫的呀!) ,OK,here's the story!

我的友人 M 先生 (假名),是城中的鑽石黃老五之一 (會有女明星主動要結識那種)。有錢加上外型不俗,身邊女伴固然團團轉,總之選擇多多,要多漂亮有多漂亮。

而風流的 M 先生呢,倒是獨鐘情於 A 小姐 (假名)。A 小姐本身是一個普通的時裝店售貨員,當然是有幾分姿色,才會讓 M 看得上眼。而 A 結識 M 之後已經不用再工作,每月 M 都有付一筆可觀的生活費給 A 的。M 於年前跟 A 小姐訂了婚,但中途就因為雙方不斷有磨擦之下,性格不合鬧分手。

而這兩人就不停的離離合合,每每走在一起沒多久,就因為 A 小姐各種問題分開。婚,固然是結不成了。已分開的兩人,中間都不時會出來「聚舊」(you know what I'm saying),而 A 小姐見情況拖拉如此竟又再次逼婚。A小姐著她的友人給 M 先生傳話,還派了喜帖(!),說道,如果 M 先生不娶 A 小姐的話呢,A 小姐就會 (於她「聲稱」是不情不願的情況底下) 嫁給另一個男人;如果 M 先生肯結婚,A 小姐就會把婚宴取消。

M 先生是真的愛 A 小姐的,不過愛,跟想跟 A 小姐結婚則是兩回事。事實上,M 先生早把 A 視作結婚對像,否則的話都不會訂了婚。但是 A 小姐就不停的玩把戲,又管這又管那的,好麻煩。當然,我明白何以 A 小姐會那麼想結婚,年紀已經不少,還有我朋友的條件,該也是她能找到的最好了吧?!好啦,戲肉到,我的友人 M 先生會如何決擇呢?

四揀一--
A) 由得 A 小姐嫁給肯娶她的那件茂利,祝她倆幸福快樂。
B) 逼婚成功!立即娶 A 小姐為妻。
C) 反高潮!立即跟另一個女人結婚,還帶著新婚妻子去 A 小姐的喜宴。
D) 找人把實況告訴 A 小姐的那位茂利知,害 A 小姐人財兩失。

其實以上四個答案,都只是小人的假設。歡迎大家當心理測驗玩玩,想想你是主角的話會怎樣做。

36 則留言:

JP 說...

am....A,B,C,D. 4個答案都唔係.
我選擇:
E)--繼續出來「聚舊」

塞米一條揚陸轟炸機 說...

I choose D......

arbitrage 說...

你可否介紹個城中的鑽石黃老五比我?!

arbitrage 說...

可否介紹嗰個城中的鑽石黃老五比我識?!

Jane 說...

A :) 愛還愛。我是斷不會娶一個玩野女子的。她可要為自己說過的話負責。
"你係嫁比佢至好。"

BusyBee 說...

愛但係又唔想結婚
即係其實都唔夠愛啦...
唔識揀
揀 none of the above
:P

匿名 說...

bbbbbbbbbbbbbbbb
no matter what she did and what she's plaining to do, the point is that the handsome millionaire loves her.
Y.W.S.

miki 說...

(A) 由得佢嫁俾個茂利.
最緊要係A小姐輸得起至好.為左要同M先生結婚已經玩到咁大. 真係娶左佢的話仲得了的?

hoyoyi 說...

(A) 由得佢嫁俾個茂利.
I didn't know how old Mr. M is, but, if he really love her, he should also talk and plan to her. For that gal, i think she is kinda stupid... if i m her, i will play smarter i think get myself pregnant is better than married to others...

tell us what is his decision...hehe

VC 說...

(A)

結婚對象應有排他性。

milk 說...

A
不過究竟係真係有個男人肯取A定係A作出來逼婚的呢?

說...

我都係揀A丫~
不過係咪真係有人肯娶佢架?
覺得佢似老作出黎逼婚"
如果M先生唔理佢,,佢真係好懦囉;;
連自己將來既幸福都拎黎玩,
本人覺得佢既行為OK白痴+無聊=_=

一粒豆 說...

我覺得係A.

糾纏咁耐又連婚都訂埋,
要結都一早結左啦,
根本唔需要有咁多曖昧"聚舊".
我覺佢兩個到此為止架喇.

Zoe 說...

我諗,如果係咁樣…
可以的話,我會搵個女仔(易開口少少,同埋扮唔知走去識下佢都好丫)先睇下0個個茂利係咩人,係咪真係結婚先?
(我覺得A小姐由頭到尾都可能係:
茂利知情>>同佢做場戲,需知道宜家印張帖好容易
或者不知情>>擺明昆佢,或者當左佢係水魚,
黎玩一次大結局。)

做以上一堆野──可能你會覺得無聊,可以唔做。做,只不過係想M先生死心。因為無論茂利知唔知情都好,A小姐呢招玩到咁癲,計到咁盡,咁樣的女仔,娶返屋企實在有點兒那個。(結婚前未知,都算;結婚之前已經知仲敢娶,我很佩服你的勇氣!識點樣做,同真係去做,係兩回事來的。)

愛著對方,但係又唔能夠解決問題的,都係唔夠愛吧…(因為本人覺得結婚係愛的昇華)。結婚,比起愛仲要複雜,因為屋企人呀、錢呀、朋友呀、生活呀,一大堆可以磨損「愛」的利器,唔夠愛已經去結婚,唔係唔得,只不過係好危險=﹏﹏=!我會祝福你的。

Zoe 說...

何況,佢既然可以0係一個「佢唔情願」的情況之下同第二個結婚,咁樣打横黎都得,咁M先生應該平時同佢冇乜交嗌啦,A小姐連嫁俾佢一個唔鐘意既人都嫁到,仲有咩佢忍唔到架??

「A小姐不停玩把戲。」呢個好危險,印象好差……

所以,如果茂利知情的話>>唔駛講啦,都係一場戲。你同佢講:你繼續陪佢玩啦。
茂利不知情的話>>算啦,講唔講比佢聽,就睇下你有冇閒情,同埋時間,仲有心機。需知道佢咁樣「迫」到A小姐的話,佢都有返咁「上下」XX 囉(XX請自行聯想)講的話=D,唔講=A。

P.S.: sorry, 長氣左d...M先生祝你早日找到你的真愛,脫離煩惱!

lulu 說...

A 小姐唔係好人 - 講完

匿名 說...

D~!!!

匿名 說...

車... 你食咗人哋一餐受咗人哋恩惠喎!

關我哋叉事咩~ 要我哋幫你諗啲陰謀,

頂~ 兩個都係垃圾人囉~ 咁簡單 >_<#



H5N1

素顏天使™ 說...

H5N1 > 我食左人一餐受左人恩惠??? 係有得食又唔拘囉, 可惜無喎. (你唔會以為阿 M 先生會請我食樓上餐東京和食呢o的粗o野呀??)(再講, 餐飯係同另一個朋友食 ga wor)

btw, think before you type, 咩垃圾人? 講野小心o的, 唔該.

"要我哋幫你諗啲陰謀"?? 無人話要諗咩陰謀, 吹水咁吹o者, 你可以唔諗 ga lor.

melanie 說...

結唔結婚都好,呢d關係,遲早散。

DC 說...

I will do A and D at the same time :P

Teach her a lesson, let her understand you have to rub somebody (Mr. M in this case) right otherwise you will lose everything.

Keep in mind that Ms.A's value is depreciating while Mr.M value is gaining as time goes by(See this and you will know what I mean), Mr.M tells her the truth, and then agree to marry her in his terms - Ms.A will pretty much accept the reality and she would really need to think what she is going to do :)

小倫 說...

我揀B, 佢地結婚.
A小姐咁多心計搞咁多事, 証明佢係好渴求得到M既...
既然係咁, 就開開心心結婚啦
可能都係好事呢~

小倫

chloe 說...

Pat.
又有d無聊人黎留言了...

我覺得對於感情不是每個人都很冷靜的,因為我唔理解為何A小姐是咁樣的女人,M先生都可以為呢件事煩惱.ok,撇開個M先生A小姐可能本身存在的問題唔講,就講係两個人真心相愛,我絕對同意愛唔等於結婚呢個理論的.有d女人係唔可以做結婚對象的,如果唔係以後麻煩野仲多.A小姐真係用呢d野逼婚,咪由得佢囉,係佢自己平時玩野(佢都幾蠢)
如果可以,大家咪"聚舊"囉,皆大歡喜.
只可以照你寫d野黎發表意見,不過其實佢地兩個之間o既野,我地都唔會真正體會到...

anf 說...

如果個女仔可以玩到咁喪要用咁既手段逼婚
我諗都係唔好糾纏落去
得閒出黎嘿啾下咪算o羅

以我既性格,
唔想將事情搞得咁複雜

愛得一個人, 就
想! 簡! 簡! 單! 單! 愛!

小坤 說...

人做我唔做, 我揀C!

重要係一個A小姐都識o既人!

Wahahaha, 下次「聚舊」重會有重 "偷食" Feel 添! 正!

H. 說...

直覺上a小姐係兩年後離婚分你一半身家嗰種,
好想揀c, 不過"另一個女人"可能只係另一個a小姐, 好危險~

說...

板主,,
遲d有結果時話返我地知丫~~

Nana 說...

如果照素顏指M先生愛A小姐,
咁我揀B....雖然其餘3個選擇實在太妙,特別係C =P!!

不過,除左B之外,A選擇係我揀既第2個選擇..

VC 說...

Oh! 原來係食字Gag!
A小姐將會quote這版叫M娶她, 因為...

大多數人都話揀A

楊醒波 說...

M先生年前跟 A 小姐訂了婚無錯,事實證明雙方不斷有磨擦之下,性格不合鬧分手。結婚係要兩個人一齊生活到至得。我都覺得A小姐有o的玩野,點解唔可以氹下M先生, 同佢講唔想拖咁耐呢? M先生定喎,唔好急.你開番條件比佢,開心見誠.

3B 說...

我覺得呢個story係o係M先生角度O既story, 同埋對A小姐好似有D bias咁O既.所以........我唔揀! :-P

BTW, 八卦時光又到!究竟邊個係M先生呢?我會唔會識我的? :-P

肥B 說...

M先生既然喜歡A小姐但點解要拖呢,時間對於女人是很重要~

gigi 說...

我揀c

susu 說...

梗係叫佢嫁,個女仔成日玩野,係咪有問題?個女仔係咪真係愛你朋友都成問題啦!
而且重點係,佢嫁左個唔愛既男人,最後咪可能又一齊出返黎聚舊?你朋友無捐失格!

米都話唔搞咯 說...

我都係揀e

arbitrage 說...

update: M 同 A 己經再係返一齊. 但對於結婚單case, 末有人再堤..