謙厚

女人選擇伴侶的條件可能有很多,又要有錢又要英俊又要高大威猛,要懂吃喝玩樂時又懂四書五經,但在我看來甚麼都不比這二字要緊,就是「謙厚」。

坦白說,so far 做了廿幾年人以來,我的追求者,不算多,但就專門招惹到那些發瘋的男人。為甚麼不,因為我很相信如果是互相對對方有好感,跟本就不用怎麼追求就能走在一起,所以我知道(覺得)是沒可能的,我都會一一很決絕的回絕。在我看來,那些男人用 N 年時間又冒雨又冒雪的去等待一個女孩子,十分的不可思議。

然被我拒絕了的男人,很多時候都有一個共通點,就是不夠謙厚。

有自信,固然是好,但過了頭,就是病。通常這些男人都是外表普普通通啦,收入不算差,比上不足,比下有餘,都雄心壯志,覺得自己已是擁有全世界。但就沒想到自己可能只是一家大企業裡的一個小薯頭,甚至只是薯頭上長著的那一小片青苔,比你更好更聰明的人還多的是。擺著大爺般的脾氣,好像世上的女人都是你寢宮內的小宮女。

唉我常常說,如果你真是叻真是聰明真是漂亮真是英俊真是很有成就,你就算瘋狂的讚自己,無人會覺得有問題。等如古天樂或者金城武跟你說覺得自己好靚仔,誰會覺得有問題先?

好啦,當我拒絕了你啦,我意正嚴詞地說我有男友,我要結婚了,你好討厭,好煩,你這一世都沒有機會的啦,你死心啦諸如此類。因為你受慣那些十七八歲小妹妹或是月賺六七千的女郎的簇擁,我拒絕了你,你忽爾覺得我特別起來。你以為,我拒絕你,是因為想要試探你的心意,要你受盡折磨才會與你一起。但其實我要的很簡單,我喜歡你,自不然會是想要跟你一起,但我一點都不喜歡你,甚至極之討厭你。

然後因為你太過有自信,你受不了打擊,你會說,死八婆你好有寶咩,你呢世都搵唔到個好似我咁有條件的男人呀,F 字頭的字眼,很多很難聽很難聽的說話都會說出口了。然後你又後悔了,你會隔天就送來一大紮花,瘋狂的發短訊 / MSN / E-mail 來轟炸我,求我原諒你,但話出了口就收不回,不是你說了要原諒就能原諒。

OK,然後又是一個 routine,你又覺得怎麼你低聲下氣了我還不肯原諒你呢,你呢個死八婆有病,好有寶咩,你心地好差,你呢世都搵唔到個好似我咁有條件的男人呀...... 再然後又後悔,說自己會改過 blah blah blah,我把你放進 ignore list,你還是隔一陣子就發電郵來說要跟我出去晚餐 make it up 很想見你。不停循環。

前一陣子那宗遊繩入屋殺女友的男生,很大機會就是這種人,受不了打擊,發飆,EQ 極低自信太高,危險人物。其實這篇文已經完全離了題,我只是想說,那種男人,煩到我想吐血囉!




註:以上內文的時地人請勿胡亂猜測,總之我跟男友生活安穩甜蜜。

20 則留言:

宇宙人 說...

呢樣我都好認同, 真係o岩 key 既洗咩你追我逐丫. 但係又唔怪得既, 始終傳統觀念中女仔要“堅”持(唔識打個字), 唔係就俾人覺得好 cheap.

話分兩頭,「謙厚」呢回事, 女人都o岩用.

雖則我自己都唔係百分百做得到

素顏天使™ 說...

宇宙人 > 矜持. :)

塞米一條揚陸轟炸機 說...

老土講句,要用到個錢字或者拾俯皆是的所謂優點來build up自信,其實都幾可悲。那跟輸打贏要根本沒分別嘛。

自己未試過真正"追"(well,或者係我行動上已經做左一d追人既行為我自己都唔覺)一個人,而且我到而家都唔知點解想同一個相愛的人愛在一起,要動用到大大小小的物質來爭取。(咁點樣先至知對方也有意思呢,這個也是個人的感應能力...好啦我認我遲鈍又慢熱啦XD)或者眾blog友會有一堆戀愛經驗,追人經驗又或者被追經驗,可以講下點為之有野點為之無。

不樂意去追,除了因為自知自己本錢有多少,也因為自知這樣地追求並不值得。

所以呢,我總會覺得要來就會來,急不來的。:) <-覺唔覺我呢個smile好邪惡...

Nikki 說...

真係有咁差既男人架?我真係太幸運,沒見過~~
尚未開始,只是第一次表白被拒就反轉豬肚,第時結了婚仲得了既(我覺得呢人一定會打老婆囉!)?這樣的男人的自尊真的弱不禁風,而且一點禮貌風度都沒有,連做朋友都不成,叫別人如何愛上你呢?唉。
想起以前男追女大概要花一年半載才可以拖到手仔,男的已經高興得要死了,現在的人才沒這種耐性和心思吧!

小坤 說...

我覺得一個人過份自大通常係掩飾佢有D野比唔上人.

我成日話自已好靚仔都可能係咁. XD

祝果條友係青山找到真愛拉

阿花 說...

e?咁你有冇裝窗花先?

um,或者叫積積保護你呀!

素顏天使™ 說...

塞米一條揚陸轟炸機 > 嗯, 唔覺.

Nikki > 追一年先追到? 以家o的男人溝一個禮拜唔得就溝過個o架啦~

小坤 > 自卑又自大, 就係咁囉.

阿花 > 無地址, no worry.

宇宙人 說...

>想起以前男追女大概要花一年半載才可以拖到手仔,男的已經高興得要死了,現在的人才沒這種耐性和心思吧!

青春有限, 光陰無價.

感情市場買買賣賣, 都麻煩你表明自己有無興趣先.

為眼前一舊叉燒而白白捱餓, 捱餓時還不知你店主有無意欲賣, 唔知仲要捱幾耐. 你說男人慘不慘 ?

當然, 如果你賣既係利苑叉燒咁o既質素咁又另計啦下~

小坤 說...

>當然, 如果你賣既係利苑叉燒咁o既質素咁又另計啦下~

所以我覺得再興叉燒好! 又平又好食! 日日食都重得!

melanie 說...

d白痴仔望佢半秒都嫌sai時間。

朋友X 說...

頭半段講我呀?:P

素顏天使™ 說...

朋友X > 咪亂 up 野啦你!!

vv 說...

我初戀男友就正正是這種人!
跟他拍了三年拖!!!
回想起來覺得好神績!

嘩!!!討!壓!到!不!能!

我還很傻地以為自己能"感化"他..
他總有一天會醒覺....
好自欺欺人的想法...


幸好現任男友待我很好,
各位好女孩要找人好好珍惜自己哦!
加油!

七十樓危危下望 說...

我都好有同感

>要用到個錢字或者拾俯皆是的所謂優點來build up自信,其實都幾可悲
>>這樣的男人的自尊真的弱不禁風,而且一點禮貌風度都沒有,連做朋友都不成,叫別人如何愛上你呢

超同意!

MiC 說...

沒禮貌欠風度固然是一個問題,
最重要是既然女方已有個要好的男朋友,為何那男還要死纏難打、踏一腳進來呢﹖

真是一個賤男。

肥BB 說...

素顏小姐, 我對你這篇文章內的見解真是同意到不行。請受小妹一拜!

我現在正受這種發瘋男纏繞 - 可怕的是他覺得自己好有條件, 而又認為我好喜歡他! 請問怎樣可以令這種白痴永遠消失?

BusyBee 說...

『甚至只是薯頭上長著的那一小片青苔』今期金句呀喂!!
好正 :D

小丁 siuding 說...

這種「瘋男纏繞」小妹幸運地無遇過,最大機會應該係我未夠魅力令佢地要纏繞我卦 ^_^ 哈!

其實我本黎只係打算找下有關尋日剛去過的「蘇三茶室」的網上佈道文章,誤打誤撞下找到你一年前寫的「食評」。
......之後係度睇呀睇呀咁......
覺得你blog內的記事真係好得意好好睇呀,尤其係講fashion同產品之類的介紹呢,好過晒個D咩touch同奶週等等的雜誌.....等我都成日黎呢度「浦」下先!

VC 說...

要加這Post入教科書。

DoDo 說...

你真聰明呢
跟那種男的在一起
會很痛苦的
搞不好哪天對方還會發瘋殺人咧

我最討厭的人就是這樣的人
自以為是 自私與自大的極端組合