無聊選擇題時間 之 受.唔受?


城中熱話!

最新一期《忽然一周》偷拍了小小超溝o左件混血甜美洋妞,小小超 38 洋妞 25 (同我差唔多大!),年齡相距 13年,當然好多時當你好有錢,好多問題就唔再係問題啦,尤其是係呢位細李生添!(亞洲區最有錢o既頭100個男人,得佢一個仲係 single!)

講返單新聞,話說洋妞任職 junior 債券分析員,成日OT到深夜 (o意?!同 designer 一樣喎!),有咁橋有一次同小小超同 lift (有乜理由無保鑣??),小小超見人鬼妹樣就用洋文搭訕問人地做咩咁夜放工呀?可此洋妞土生土長,就用極純正廣東話答佢你都好遲o者~ 就係咁,小小超就力追然後就得米啦,二人仲共渡溫馨情人節o添喎~

OK,故仔講完,問題o黎啦-

問題一:假設有一日,你同呢位李生同 lift,佢用廣東話同你搭訕問你「做乜咁夜走呀?~」 咁,你會點答呢?

問題二:如果李生真係溝你,但係你又已經係有男朋友o既,咁你會唔會受?

(以上無聊問題男士請先代入自己係女人先好玩唔該~)

Designed by OddThemes | Distributed by Gooyaabi Templates