探病記

友人 E 入院做小手術，一眾友人昨夜約好一齊去探病。

E 小姐最愛錫自己，揀o左一眾大小明星最愛o既養和，
cheap 友如我都係第一次去，為怕拎個紅色膠手抽比人歧視(？)，
特登去o左 Sogo 買生果探病，買完都覺得自己過份，
分別有─
‧寫明係激甜o既博多空運士多啤梨 2 盒 ($108/2盒，10粒一盒)
(去到食o左兩粒，真係又大又甜又 juicy！ 好好好好吃~~~~~)
‧一盒數埋唔知有無廿粒o既日本空運溫室提子 ($88.8)
‧日本溫室大蘋果 ($50/4個)
‧抗氧化靚靚藍莓 ($30/1盒)

連埋o的雜誌全部加埋都要 $300 幾水呀~ 好彩都有5個人夾o者！

講返養和，真係激似《妙手仁心》果o的醫院喎~
(我大鄉里呀~ 真係無去過私家醫院探病嘛~)
靚裝大堂，好有禮貌o既 receptionist，唔講仲以為係酒店，
據聞入面o的o野幾好食添o架喎~ :p
E 小姐住三人房，連超正開揚馬場境，每晚 $9XX，
一住就一個禮拜，條數真係襟計！
(咁 E 小姐老公都搵到o的~ 雖則唔係咩大富之家不過都仲 affordable o既~)

所以話~ 大家要好好保養自己身體呀~
我見 E 小姐本身龍精虎猛跳紮紮，
(tho she's 30 something 呀o下！)
開完刀個人真係殘到飛起好慘咁樣，
據說傷口仲要成個月先會好少少，
身體健康真係好緊要呀！

在此謹祝 E 早日康復啦！

另特別鳴謝男朋友上去我屋企幫手湊住一陣貓~ hee hee