(攝於 2006年4月2日，偷拍林大爺響梳化訓晏覺)
好耐都無講過我隻貓，update下啦！
‧越來越大隻o既林積積，非常重秤！(圖一所示，有我男友隻手臂咁長！) 我抱佢都唔抱得耐~
‧梳化已經成為林大爺o既地盤，每一晚佢都係梳化訓覺，大字形咁訓！有人坐親佢張梳化都要先比佢輕抓 / 咬兩下~ 好惡！
‧本人有一鄰居乃貓癡，養有 10幾隻貓，打理得都幾乾淨，有時夜晚 / 日頭佢打開鐵閘，群貓都會走晒出走廊散步，何其壯觀！
話 說踏入思春期o既林大爺 (6個月大)，有一日襯我打開木門隔住鐵閘，見到其他貓仔！先係「唬~唬~唬~」表示敵意，講晒粗口趕人走。見多幾次之後，鹹濕仔林積積思春發作，日日都 響屋企大聲凄厲喪 meow，逼我打開木門比佢隔住個鐵閘望走廊同埋呼喚下其他貓仔，一坐可以坐幾粒鐘o架佢！
本來，壞男主人諗埋晒o的壞主意，襯林積積未閹大可比佢初嚐魚水之歡...... :p
好可惜，經過我搭訕之後，貓癡師奶話佢o的貓一早閹晒！
噢~ 積積無得溝女咯~~
‧林積積得到大型新玩具座地綠色抓抓柱 ($75)，抓抓柱有隻老鼠仔玩具 (紅線位置) 比佢咬，當晚砌好呢個玩具，我影完呢張相 15 秒之後，老鼠仔個蘿柚已經比惡霸林積積咬爛o左！
奠
發佈留言