有好多人會話，點解一套正場就快上o既電影，你都走去買電影節戲飛咁笨實？
(真金白銀上網撲o架，唔係 free 飛o黎o架！)
因為我係杜 sir fans 囉！作為 fans，支持偶像，第一，我一定會買飛入場。第二，盡可能都睇第一水，遲o左就會比人爆晒o的劇情 (詳見於今日及昨日之《蘋果》)！所以杜sir響台上面親口交帶落一定唔可以爆個結局出o黎，OK，我係一定唔會爆o既！
講下感想啦不如。
‧係咪 sponsor 對一套電影o黎講真係咁重要？成套戲o的大佬輩不停都係響德米 (一間中華創作料理，有骨氣集團) 度食飯同講數。
o下，德米？你有無見過黑社會講數去和民丫？？？(戲入面) 古天樂同老婆食飯都識得去 Ruth's Chris 啦！logic o的好喎！
最擾民o既係，個德米 logo 無間咁不停出現，仲要係投射o左上牆果隻，真係煩 X 到爆！
‧點解古天樂握手要係由上至下45度角打斜抄落去？點解成套戲o的男人講o野都咁簡潔？
‧任達華，真係好正！但係今集比上集演得浮，無咁內斂。
‧本人最愛呢幕，睇到我嘩嘩聲，港產片o黎講算去得好盡啦！特別介紹殺手阿武(鄭浩南 飾)，一出場就搶晒o的戲，掂到爆！
好唔好睇？我會答你─
係 好 X 好睇！今年必睇！
上正場時各位記得買飛入場！
特別附錄 ─
‧台下篇 (一)
坐我同男友身旁o既係資深電影人方保羅先生，坐o我地前面有兩個師奶，開場頭 30分鐘都無間斷地用氣聲傾計，方保羅先生拍一拍佢o地膊頭，好有禮貌地話：「唔該你o地可唔可以傾少o的計？」兩個八婆即刻收聲靜晒！！！
各位，學o野啦！
‧台下篇 (二)
散場後極近距離見到任達華同林家棟 (點解無古天樂？
) 近到係企我o地隔離兩個身位！任達華係極度有型、 man 到震！同埋好高，足6呎！(無吹水！)窄 mit mit 西裝下都包唔晒o的肌肉，好正！果然係一代型男！林家棟真人都 O 喎！當時我係有o的想大叫話：「我晚晚都有追睇『小芙蓉』o架」(想o者~)
噢~ 失禮晒！
發佈留言