dap 已開業一年，一路都無食過，看 menu 格局，雖說是法蘭西菜，我看還不過是家普通港式西餐罷了，果然。
肚餓呀，算啦。晚餐選擇不多，大同小異。
要問才知道頭盤是煙三文魚，傍邊一個個綠色的物體是醃刺山花的花蕾，帶鹹鮮，還可以。男友不喜歡酸味的東西，所以我一個人吃了兩份。
我點的銀鱈魚┼茶葉燒雞配莧菜意大利飯，銀鱈魚淡而無味，雞肉很鞋，反而意大利飯煮的較硬很合我口味。
(手震 =_=) 三文魚扒和茶葉燒雞配扁麵，三文魚扒味道好一點，但充其量也只能說是不過不失。
酥皮焗蕃薯批，不好吃，朱古力汁太稀。連咖啡也不太行。
環境比較逼，就是一般的小 cafe 模樣，服務非常麻麻，幾位waitress 都不甚醒目。
因為男友襯我上洗手間的時候埋了單，所以不知道 total 要多少錢，約 $100@。不過大概都不會再來了。
‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧
星期三的午餐，帶男友去試下太古城個豪裝 food court。
因為男友很喜歡吃 pizza ，所以就揀了這家主打有機菜的 Munch 來試一下。(Munch 在尖沙咀漢口道也有分店，www.munch.com.hk)
男友點的日式照燒雞有機蕎麥薄餅 (套餐連沙律 $38) ，即叫即焗，等約 10 分鐘，蕎麥薄餅比較乾身，男仔有可能唔究飽，但味道唔錯，感覺清新。
我的煙肉白菌有機意粉 ($38) ，即叫即炒，味道也不錯，料又夠多，不過最尾我掛住食沙律，食剩一半男友幫我包底，嘻嘻嘻。
最後這個沙律其實是跟男友的 pizza 套餐，但是因為太好味唔夠喉，再加 $10 要多一個。有機菜極度鮮甜，超好食，而且只賣 $10，唔食就笨！(幾廿蚊斤o架o的 organic 菜)
另加兩杯 pepsi light ($7@)，最差就係買o野飲一定要去另一個 counter 買，呢樣最麻煩，撇開呢個問題其實呢個 food court 做得唔錯。
非常抵食又好食，一定再來。
‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧
星期三晚 shopping 完又找地方吃飯，去了新開的優食橫町試下， menu 見這家煮館平平o地又咁橋有位，大無畏嘛！試下唔洗死o既~
魚湯浸娃娃菜，先呷一口湯試味，唔...湯底唔得。即刻有不祥預感。
再來的魚蛋魚腐魚湯泡飯，湯底都係果個 MSG 湯底，魚蛋鬆泡泡，魚腐唔靚唔新鮮，唉~
這 個名為大煮拼盤的東西索價 $98 (二人份)！有燒豬軟骨，煮牛鍵 ，芝士焗椒鹽軟殼蟹 ，粟米墨魚餅 ，蛋沙律。我因為想吃軟殼蟹就叫了一個，結果最難食就是軟殼蟹，不知所謂，椒鹽的辣完全跟芝士不搭調！豬軟骨也不合格，很甜，牛鍵只是 OK，連蛋沙律的味道也怪怪的，較為像樣就只有粟米墨魚餅，可惜也是很多味精。
環境很逼，不好坐，service 也一般，水要叫先有，很大力的掟杯掟碟，雖然唔係掟我但感覺都唔好受啦。
埋單 $150，無下次了。
因為吃了不好吃的東西，我扭著要吃甜品，回到康怡在吉之島和男友 share 了一杯 da dolce 的 開心果搭朱古力 gelato ($33)，這才像樣嘛！然後變開開心心的捧著大堆零食回家去啦~
──────────────────────────
dap
地址：尖沙咀厚福街8號地下4號舖
電話：2312 1689
菜式：法式 casual dinning (??)
Munch pizza & pasta @ Food Republic
地址：太古城 3/F 美食廣場 Food Republic
電話：TBC
菜式：西式
煮館
地址：銅鑼灣斯富街48號軒尼詩大廈3字樓E單位
電話：3173 8193
菜式：港式
發佈留言