銀行排隊記

lunch time 去了獅子銀行處理雜務，服務之混亂可謂大開眼界。

迷你小分行同一時間塞了幾十人在一起排隊，本來排隊都預o左，但係都無試過亂得咁得人驚！

明明平時係行入去就 mit 飛仔等自己有時間預，中途閃去starbucks 飲杯啡都仲得，佢又唔知點解取消o左，要好似以前咁樣一條一龍喪排！(頂！咁我做乜Q要出個 Power Vantage account？！)

後 尾我就知點解啦！因為原來大連港 (2880)今日開始接受申請表，再加上長假過後零舍多人去銀行，其實我都唔明，佢o的分行已經開得少，但係o的 online banking 同 telephone banking 又勁唔 supportive，要過數去第二o的 account？得！落去分行填張 form 先啦！要申請呢樣果樣？得！落去分行填張 form 先啦！

乜叉都要落分行做，咁我做乜o野要有 online banking？

仲有仲有，果粒 for security use o既蟑螂狀物體，我從來都唔敢拎出街，驚整唔見。咁至此之後我就極少用 online banking，因為仲煩過我落分行，吹脹！

telephone banking even worst，o的電話打o黎打去都係無人聽！一唔就「咁」 1, 2, 3 「咁」到暈都頭埋！

越講越谷氣呀！

前前後後連埋排錯 5mins 隊，總共企o左 45 mins 先輪到我！

好彩我排隊果時後面企o左個ABC靚仔比我目及下，唔係就悶爆！