《男人之虎(企硬版)》觀後感

星期六 7.30pm，art center 壽臣劇院，$260飛兩張，堂座第三行。

自己買飛都坐得咁前真係第一次！

‧用 15 分鐘果個 break 計，上半場好笑過下半場。

‧上半場扮黃秋生(角色名稱)我笑到喊。真係笑到有眼淚果隻。

‧詹瑞文真係好勁，扮乜似乜，不過佢比我想像中瘦好多。

‧入場前有 BECK's sponsor 全場任飲免費啤酒，好少香港演出咁做，值得一讚。不過 BECK's 好難飲。

‧點解咁多阿媽拖埋細路仔去睇？細到係小學一二年級果隻 (甚至應該係再細o的)，你唔好話我聽佢o地睇得明。o徙o左個位比o的真係識 / 想睇o既觀眾。

‧第一行有個好唔玩得o既肥佬，其中有個位要現場觀眾參與，詹響地下執起一本健身雜誌，之前指住個肥佬話：「呀睇你都有需要健身。」(咁上下)

肥佬即刻好惡咁反擊：「夠啦o下！」

咁唔玩得唔好坐咁前啦。

‧我身為港女都 feel shame for 港女，坐我隔離有兩個衣著光鮮新潮o既 25> 港女，開場遲到超過 15 mins 先入場，非常之唔尊重演出者，唔尊重坐佢附近o既觀眾。

15mins break 之後又遲入場，都算，之後仲不停咁講手機 (雖然有掩口)。勁 annoying。

你o的咩咁大生意呀？咁緊要咪行出去先講囉！

‧有好o既演出者無好o既觀眾，也是徒然。