頂好

我好少帶有框的眼鏡,雖然我的近視非淺 (左/右各 525,另加每邊 150 度左右的散光),但依然堅持每日頂著隱型眼鏡上班去,因自覺戴眼鏡的樣子極蠢。

家中的一副陳年眼鏡只作有時備用,一戴就是 7-8 年,我對於死物向來不是個長情的人,不過因為實在少戴,就一直也沒有配過一副新的。縱然鏡片花了,度數也超不準確都不理。但是最近眼鏡的臂架那端彎位斷了,嗯,實在沒法,都是時候配過一副新的了。


最後是某天晚上去了旺角的潮人眼鏡店頂好尋寶去,本只是一心想著找些廉宜款式的膠架,因頂好的自家品牌款式都不錯。然後我就看中這副咖啡色的大圓鏡款,都是頂好自家品牌,叫做「頂好哲郎」,名字都幾搞笑,是 tribute to 「泰八郎」嗎? 但又因為是包了皮的臂架,所以價錢就比普通的膠架貴一點,讓我有點卻步。


此時老闆竟然無端白事的給了我半價!!原因是他說因為這個款式散貨好慢,始終不是人人合戴的平常款,然後自顧自的嘻嘻笑,真的好誠實。我的臉圓,戴方型鏡架會很好笑。老闆娘說 Miki(楊愛瑾) 和忘了是 Theresa 還是 Stephy 是一人一副,一個是黑色一個跟我一樣是深啡色,不過人家的臉比我小那麼多,戴起來會比我好看啦。

我問老闆,臂架用皮的不就很易用髒用舊了嗎? 老闆就說了一句好有哲理(?) 的說話:「後生細女做咩講咁長遠。」(哇~ 但我對上的一副真的戴了八年喎......) 哈,又是喎!縱然我不再「後生細女」。

頂好配眼鏡的地方是在它的閣樓,地方比較淺窄。驗眼的方式好懷舊,是要戴著那些一大個可以插入鏡片的鏡架,我本來是好想把這個拍照的,但是又怕好像太過大驚小怪,就還是沒有拍下來啦。

又然後,神化的肥老闆給我的鏡片再主動減了幾十塊!!說是想要齊頭數。所以我是「無端白事」的省了幾百塊!謝謝你呢老闆,嘻嘻。今早我戴著新眼鏡出門去,加上白色襯衣,闊身的牛仔褲還有球鞋,束起馬尾就大搖帶擺走上街,連妝都無化。都好多好多年不曾戴著眼鏡出門了,新眼鏡戴的時候有點頭暈,該是眼睛還不是很適應新度數吧?

11 則留言:

Calvin Soong 說...

下次可以去炮台山既和平眼鏡,佢地既膠框款式有好多選擇,價錢仲平到你唔信!!!

頂好,如果係老闆或者珠姐招呼你仲好d,其他既夥計有時既態度真係幾難頂。而且我發現佢地配既度數好多時都預深左,好容易戴到隻眼好累!!!

少少意見!!!

Mademoiselle 素顏天使™ 說...

Calvin Soong > 炮台山和平 <-- 有聽聞過呀, 但無幫襯過. 係呀我覺得個度數好似深過我副 con, 但係佢地猛話我副 con 個度數配得太足喎......好矛盾.

P 說...

我都係好少戴眼鏡見人的。

我以前都以為戴新眼鏡會頭暈係好尋常的事,但當我舊年係大阪配完眼鏡之後先發覺,原來係香港啲眼鏡舖配得差!

我係大阪配個副,唔止唔頭暈,度數仲準到爆,睇得好鬼清楚。仲要平過晒香港個幾間眼鏡連鎖店。

Loewe鈦金屬框 + 超薄鏡 = 輕到冇感覺,咁都只係 18900 Yen。同一價錢係香港,都唔知買唔到個框……

所以有機會去開日本,可以諗諗順便配返副眼鏡 (一小時就有得拎),我好多朋友都咁做架。

匿名 說...

Hi~我叫Vivian
咁岩近期想換過副眼鏡,舊o個副度數唔係太岩!請問"頂好"o係旺角邊度ga?你個副框連鏡大約幾多錢?多唔多膠框眼鏡選擇?

問你咁多問題真唔好意思...!

fouris 說...

我之前都是在頂好配過眼鏡,之後因為一些事我去眼科醫院check眼,他們check埋我副眼鏡度數時指出,我那副眼鏡沒有配埋散光,只是加深我眼鏡的度數來補散光度數。所以我再沒有去頂好配眼鏡了。

匿名 說...

http://photos-g.ll.facebook.com/photos-ll-snc1/v265/250/32/801122249/n801122249_590198_8124.jpg

stephy果副係黑色呀~

宇宙人 說...

我淨係知呢.....起外國地方,見到粗匡眼鏡o既華人,十個有十個都係香港人,咁 lor

Mademoiselle 素顏天使™ 說...

P > 我對上一次去日本已經係 2000 年, 唔知點解就係無咩癮去.

Vivian > 地址: 旺角豉油街 24 號地下, 電話: 2385 2777, 其實即係 Chic之堡隔離. 頂好主要係靠賣冷門牌子/潮流鏡架生存, 咁佢地的確係好多膠架, 平貴就見人見智. 你自己去睇下啦不如.

fouris > 我都的確覺得係有的深過自己副 con.....睇下揾一去配 con 果陣順便 check 下個度數.

匿名 > 你好犀利!!!!

宇宙人 > 做香港人有咩問題?

FlyingMinx 說...

我會在頂好買Culter and Gross的太陽眼鏡, 但就不喜歡那個會講是非的姣佬老細!

許港生 說...

"和平"真係幾好,自己戴緊個副都係有日放工行去和平配。

老闆好人,老闆娘靚女(我估後生個陣),雖然老闆娘會一直講阿邊個明星黎配過邊副......

匿名 說...

和平 係邊架