收兵

最近可能會多一點寫這些感情事,對於一心想來看些飲食呀美容資訊的讀友們則不好意思了,不是很有心情寫。

也是有人問起,喂你沒人追嗎?我話,無......就騙你的。

當然大前題是,這些人「追」得不是很明顯那種,不是你想像中的約你看戲談心上山下海送花管接管送,不過電話狂轟朝八晚十短訊不絕噓寒問暖還是有的。所以我不知道該說是有還是無。

我說是「一些人」,即是 more than one 是這樣,可能香港男人面皮薄?如果是追,不如你二口六面話我想你做我女朋友呀,我想怎樣怎樣。起碼我可以當面拒絕你,然後,還可以做個普通朋友。我討厭這樣陰陰濕濕的人,明刀明槍才是暢快。

女友們說,「收佢地做兵囉,無壞。」。兵者,即觀音兵是也。

好女孩是不收兵的,這是我一直堅持的,當然某程度上「好」也不是 selling point,這樣的「好」不再值錢。我不知道有無男人真的那麼樂意做觀音兵,至於我,我從來都不收兵的,無謂浪費大家時間,時間就是金錢,要 kill time,我多 BT 兩套劇來看好過和一個自己不喜歡的人去街。不過我也想是真的有男人會喜歡做兵吧?人類都是犯賤的生物,得不到的從來矜貴。

其實我也不是很明白「追」這一回事,喜歡就是喜歡囉,不喜歡的話怎樣追都不會喜歡的啦。又或者我太清楚自己要的是甚麼,是好事還是壞事?

刻下我想要的,沒有別人。

16 則留言:

匿名 說...

咦?講我呀? :p

X

Mademoiselle 素顏天使™ 說...

X > 你無做兵好耐啦~ XD

kiki 說...

「好女孩是不收兵的」

說得好啊。我是你的長期讀者,很欣賞你坦白爽直的性格

讀你寫感情事,比起寫飲食美妝更引人深思呢

我相信好女孩定會得到幸福

許港生 說...

"刻下我想要的,沒有別人。"

"別人"二字可堪玩味......

中學經濟課教Bygone is bygone,明明知道點解卻始終知易行難。

送妳一首歌,Your ex-lover is dead (http://www.youtube.com/watch?v=a2yJSFHTrgM)。

另外,可以的話,沒有人想做兵的。做兵只因他覺得用這個方法可以感動她令她芳心暗許,那是認知不足、策略錯誤、天真且傻但不是犯賤。

如果他覺得得不到,那他一定會鳴金收兵。

小姐,有頭髮邊個想做瘌痢?

匿名 說...

唔收兵, 可以收o靚。

Mademoiselle 素顏天使™ 說...

匿名 > 我無做大佬好耐啦

myblahblahblah 說...

絕對認同 "好" 不是 selling point, 灰! 很欣賞你的堅持和爽直~

who? amy who? 說...

我都係, 從來不明白什麼是被人追, 不喜喜浪費大家時間. 其實被人追做既野, 同一齊後做既野無分別, 都係行街睇戲食飯. 如果一開始感覺不良好, 未來也不見得會突然愛上囉.

bobo 說...

要追,一句讲晒就是屎。因为女人不觉得个男人有什么吸引,所以他才要耍晒关刀大锣大鼓去求爱。两情相悦之下那些不是追,是情趣,是享受,是男人对女人的宠爱。

“不喜欢你的,连你看我一眼我都想挖你眼珠出嚟。。。”我妈妈跟我契妈加埋我都是这么说,哈哈。

我同你一样,喜欢的一定FEEL到。不喜欢的,我时运高,看不见!

匿名 說...

有d女仔好得意,好識同男仔醞釀d 曖昧關係……令人送乜送物畀佢,然後又唔係鍾意人!

又或者,鍾意同自己男朋友講(唔係 o岩 o岩拍拖果隻),有邊個同邊個都追緊佢……

我覺得,如果真係鍾意,係唔駛追的,而我自己好鍾意自己男朋友,就更加唔會畀signal人地,令人覺得你係available囉~

不過,讀書時代試過有d男仔係鍾意你,但係當你畀佢知道只係當佢係朋友之後,佢會疏遠你,連friend都無得做……OMG,點解男仔咁婆媽的?

支持你

Frau L

宇宙人 說...

陰陰濕濕呢 d 野,女人絕對勁過男人 lor,香港地計~

Mademoiselle 素顏天使™ 說...

宇宙人 > 無兵邊會有觀音? 無觀音又點會有兵? 這只是供與求的關係, 我完全唔覺香港女仔在這方面"勁"過男人, 唔好係又唔係 label 左香港女仔特別衰.

bobo 說...

讲到读书时候,你们有没有遇过一些男的,送你到了家楼下才说,“行多阵好唔好?”

我细个很蠢(现在都蠢,呵呵),虽然陪他行,但都不知道为什么。。。

长大了,有些男人开车送我回家时会变了缺德出租车师傅,不停绕路,都不知道是迷路还是舍不得我。。。(我问过其中一个男人,他说BOTH,真坦白兼无奈,哈哈)

匿名 說...

你講既做兵, 只係一d低手所為. 我諗香港仲有d高d既男仔既.

如果你指唔係明顯個種, 上山下海送花管接管送. 追就好似你講變成一種感覺. 有一d男仔會比朋友更進一步但又唔係親密朋友.

而家大家都好懂得保持一種似有非有既關係. 兩個人好似水既表面好有張力. 咁既關係可以令某一種男人滿足. 佢地可以知道你近期生活怎樣. 但又不用為你煩惱憂心. 可以係一個moment 好近. 好識得係啱既時間用身體接觸.

就係咁係做兵既時候發展曖昧關係, 之後因為成日有機會tum你. 令你成日掛住. 所以做兵他日都有機成為你既一半. 只係可惜未遇到姐. 以你既要求. 一定得既. 我諗你睇人都有一手.
阿妹既哥哥之讀後感

Mademoiselle 素顏天使™ 說...

阿妹既哥哥 > 莫非你就係傳說中既 "契哥"? 做兵係做唔到有曖昧關係架喎, 去得到曖昧關係就唔係兵.

以我既要求? 你又知我有咩要求? 哈哈. 我好似無寫過.

小杯 說...

最近於網上search到你的blog,今日得閒先睇返你之前落嘅,嘩,到肉到呢,而家d男人都唔知係咩男人來架!

有空來我blog參觀

http://hk.myblog.yahoo.com/siubui0101/