自己做.雪菜肉絲麵


在上海吃過阿娘麵 (見相關舊文),念念不忘那雪菜肉絲的味道。港式的雪菜肉絲一般都偏鹹,不過我也蠻常吃;可惜最(接)近我家的那家茶餐廳,就連簡單如腿蛋治都可以做得超級難吃,莫說雪菜肉絲麵了。於是,我就索性自己做,便宜又美味!

雪菜肉絲麵 (兩份)

材料:
1) 麵 2 札 (這個好像是求其在惠康買的,HKD$6 / 包)
2) 即食雪菜筍絲 1 包 (好像 HKD$3 / 包,購自吉之島超市)
3) 瘦肉 HKD$5 (不要問我這樣即是幾多克.....)
4) 荵花 適量
5) 指天椒 1 隻,去 米子 後切絲

雪菜肉絲做法:
1) 瘦肉洗凈用廚紙印乾水,切絲。用糖、豉油、米酒、雞粉少許,醃 30 分鐘。再下麻油 / 生油,醃 2.5 小時。(因為我想做回阿娘麵那個雪菜肉絲那種偏甜的味道,所以糖會下的比較多。)
2) 起鑊下油炒熟肉絲,盛起;再下少許油,炒雪菜,加糖減去鹹味。
3) 下肉絲到雪菜一起炒,兜勻即成。
4) 按包裝指示煮好麵,把雪菜肉絲加在麵上面,加荵花和辣椒絲,再下幾滴麻油,即成!

我不會吹噓自己如何如何懂得吃和懂得煮,我只知道自己愛吃,而且我知道如何簡單的讓自己快樂。Bon Appétit!

5 則留言:

reporterD 說...

你好像好耐沒煮了吧?
我之前喪click返你之前的blog睇recipe~ 哈哈~ 有些真的很有趣......(你講到好似好易整~)
哈~ 沒什麼~ 愛看你煮食就是了~

素顏天使™ 說...

reporterD > 多謝妳鐘意我寫的食譜 :) 其實間唔時有煮,不過好懶寫,煮完食完就算,最多都係用 iPhone 影張相放微博罷就~ :p

阿煩小姐 說...

我都好鍾意妳既「自己做」系列,識食唔算勁,我覺得識食又識煮既先係真係厲害,總覺得妳煮既任何野都講到好簡單容易咁,令我呢個唔多識煮野既人睇完都好有衝動想自己試下落手煮,好耐之前睇過妳教煮鵝肝(又係講到好輕易易舉),結果我果塊鵝肝係煎到勁樣衰 :(

我覺得妳係煮野方面真係好有天份,真心覺得妳真係好叻呀! ;)

Coco Yip 說...

呢個好似簡單得黎又比出面整果D 好味喎,等我都試下先~

30 Something 說...

你碗麵...賣相真係好吸引...