自己做.番茄雞柳炒蛋 + 雜錦粒粒冬瓜羹

週二晚颱風黑格比來襲,放工時份跑到超市去搶入貨,怕第二天打八號風球,想不到這玩意真的悄悄的來又悄悄的走,不過買了的菜還是得煮。因為搶貨的時候其實也沒想到煮什麼,蔬菜櫃都被搶的七七八八 (羊群耶......),就煮些大鍋大鍋的簡單東西算了。

另外因為最近買了一瓶日本岩鹽,昨天試用,調的味道不是很準確,原來岩鹽的味道比較淡 (也可能因為瓶口太小?XD),要比平常的普通鹽下多很多才有味道,這個則是純粹分享。


番茄雞柳炒蛋 (2-3 人份) <---其實這個好像煮過不下一萬次了。

材料:
1) 大紅蕃茄 3 個,約HKD$8
2) 雞蛋 3 隻
3) 急凍雞腿扒 1 塊,約HKD$10
4) 蔥粒 適量 5) 薑片 數片

調味汁料:
水大半碗 / 茄汁 / 糖 / 生抽 / 鹽

做法:
1) 雞腿扒徹底解凍後,洗淨去皮切肥膏,用廚房紙巾吸乾水,切丁備用。
2) 以糖 / 少許韶興酒 / 生抽 / 少許胡椒粉 / 少許麻油 / 薑片拌勻雞丁,放雪櫃醃過夜,備用。
3) 蕃茄洗淨去蒂,角切,備用。(有人喜歡去皮,我則偏向無所謂。)
4) 雞蛋用叉子打發,加入少許鹽和麻油拌勻,備用。
5) 燒熱鑊,下橄欖油,油熱則快手炒雞蛋,至僅熟即盛起,備用。
6) 同一個鑊,大火下油,油熱後爆香雞丁和薑片,炒至表面有點金黃,約八九成熟,盛起,備用。鑊中的油不用倒掉。
7) 也是同一個鑊,用剩油炒蕃茄,蕃茄熟了加入 (6) 再炒一會。
8) 下調味汁料,蓋上鑊蓋焗 5-8 分鐘。
9) 拿起鑊蓋,再炒幾炒,試味,如水太多可加入生粉獻適量。
10) 至喜歡的汁料濃杰度,關火,加入雞蛋,炒幾炒,即可上碟。
11) 可灑上蔥花作裝飾。





雜錦粒粒冬瓜羹 (2-3 人份)

材料:
1) 冬瓜一環,約HKD$5,洗淨去皮切小粒,備用。
2) 鹹蛋 2 隻,約HKD$5
3) 草菇 10 數顆切片 (買不到草菇,用了秀珍菇切碎,效果不是很好),約HKD$5
4) 瘦肉切粒 / 豬絞肉,HKD$7 (湊巧雪櫃有幾塊未醃的豬扒,就拿點鹽醃了兩塊,剪做丁方狀,當瘦肉用)
5) 瑤柱 數顆,先放水龍頭下清洗灰塵,早一晚預先用熱開水浸好,浸了的水不要倒掉,瑤柱撕碎備用。
6) 蟹柳棒 6 條,切粒 (我切好了放在一邊,到最後竟然忘了下......囧)
7) 史雲生清雞湯最小盒裝 1 盒,約HKD$7
8) 薑片 2 片
9) 芫茜 適量 (裝適用)

亂亂煮做法:
1) 燒一鍋水,水滾下瘦肉、瑤柱絲和薑片,中火滾 20 分鐘。
2) 轉大火,下冬菇和草菇,水滾轉中火煲 10 分鐘。
3) 轉大火,下鹹蛋,邊下邊攪拌成蛋花,滾 5 分鐘。
4) 下清雞湯,先下半盒試味,不夠再下其餘的。
5) 少許生粉和水打獻,慢慢下至喜歡的濃杰度。
6) 下蟹柳粒,滾 2-3 分鐘。
7) 盛起,以芫茜作裝飾。
匿名 說...

賣相真不錯~
一定很好吃喇

KIT

theoctopus 說...

版面上的花很好看喔!

匿名 說...

wow..真係色香味俱全!

塞米一條揚陸轟炸機 說...

講開丫,其實放荵花/芫茜做裝飾,係乜野作用呢......有時我真係問過同桌食飯的朋友,甚或不同階層的主婦,他們都沒有頭緒,同埋又唔覺得放D上去真係會好味D...


會問出這個問題,通常是以下兩個原因 :

1) 覺得要再預備荵花芫茜切切切有點懶,尤其是果餐由頭到尾未用過刀子,想想待會洗碗時要擦多一把刀子時...

2) 而最主要的原因,應該就是我很怕吃荵(同埋出荵XD)


當然,其實放D綠色野上面又真係睇落舒服D既......唉唉,好啦我承認我又亂講野喇....

素顏天使 說...

塞米一條揚陸轟炸機 > 見你打咁大段o野我認真o的答你.

我唔知你訪問過咩不同階層主婦, 不過可能佢o地味蕾都有o的問題. 荵/芫茜都係香料的一種, 味道屬於較溫和的類別, 男女老幼都o岩食. 芫茜/荵的香味可以令菜式(特別係肉類)本身的嗅覺+味覺提升, 當然就唔係話乜 食送 都o岩落啦, 呢o的o野都要夾下. 當然你真係擺埋一邊唔食落口, 亦無人吹得你漲.

洗多把刀都懶學咩人煮飯? plus, 呢o的o野梗係一早預備o野果時一早切定, 點會臨尾無啦啦先走o黎切? time management 呀. 同埋, 你煮o的咩乜刀都唔洗用? 唔通餐餐都係煎隻蛋? 煎午餐肉都要用刀切片啦.

視覺方面.

"其實放D綠色野上面又真係睇落舒服D既"

你仲好意思話比人聽你讀 design? 跟本就係咁簡單, 暖色調多咪放o的中和色落去中和下佢囉, 要 balance, 無次點樣突顯主?

你怕食荵, 叫你呀媽煮o野果陣唔好落, 就係咁.

bobo 說...

看来你也喜欢做饭,交流一下吧.

1.橄榄油不能烧太热,只能温热的时候用。
2.瑶柱用冷水泡软比较好。
3.番茄炒蛋那个菜,在下蛋之前最好别打献,其实番茄都会出水的,所以开始别放太多水就是了。

匿名 說...

點解唔見咗d冬瓜嘅?

素顏天使 說...

魚 > 切左粒.

Designed by OddThemes | Distributed by Gooyaabi Templates