幾段

利是
今年逗的利是比往年「大封」了不少,慶幸身邊親友皆不受金融海嘯影響。年三十晚到今天初八,總數已有近三千大元 (還未算進收到五百元的「人仔 (即人民幣)」,轉贈給阿媽),嘻嘻。不過作為一枚中女,逗利是實在有好多的難受說話要聽。譬如,聽了起碼一千八百四十三次的「妳逗埋今年唔好再逗啦o下!」和「出年到妳派。」 (我有派比樓下看更呀做咩 jet!!) ......大佬你話派就派咩?

不過我不和錢鬥氣的,嘿,即管講囉!我借了「聾耳陳」的耳,甚麼都聽不進去。



又,牛年暫時見過最靚的利是封為「朗豪坊 x 黎達達榮」(見附圖)。仍然未收到我最喜歡的 bling bling Swarovski,請連同包有「餡料」的利是一同送我,多謝。

假期
今年的農曆新年假期特別短暫,幾天以來頻頻撲撲,都沒怎樣好好休息過。看到月曆,原來未來的兩個月一日紅色假期都沒有!!嗚~ 心都碎了,要上足五天的工,好苦喔。

恭賀說話
我一律只會講「新年快樂」和「身體健康」,因為沒甚麼事情比身體健康來的重要。千萬不要祝我「青春常駐」,只有不再青春的人才需要用到這句說話的。阿門。

睡眠
依然持續睡得好少。今天看到報紙說有一名青年持續失眠後無故猝死 (正字時間:「猝」讀作「茁」,茁壯成長個茁,不是卒呀!),真係好驚......

17 則留言:

悟樂の空間 說...

算唔錯wu~~~~~~~

>>係~~~ 最最最重要是身體健康~~~~

卡臣 說...

為咗命仔
早啲睡啦!

anf 說...

我近年嘅利是少之又少..

不過好在大個o左, 唔係靠利是錢先可以去敗hehe

聶秀康 說...

利是?係派比人呀,不過都好開心...管理員,派報的,助理...反而冇開工利是,這公司吾興的!

妳要借耳?我有三隻喎!

我每天熟睡六小時吾知夠吾夠呢?

cc 東洋狂迷 說...

早睡早起身體好

利是我仍未拆, 相信和你差不多

但至傷心必定是要到 Easter 先再有 public holiday~ #_#

我不是公主 說...

kaka
我今年都有3千幾蚊0既進帳~

好在有返大陸~

自由行 說...

我都係借"聾耳陳"隻耳呀!!

Meling Lam 說...

「妳逗埋今年唔好再逗啦o下!」和「出年到妳派。」<-是一句換了角度的祝福語o者。

from 有份講過以上說話的人

ceciyan 說...

嗚...無假放,,,
還要想一想番5天半的人,,
感覺更難受...=,=

素顏天使™ 說...

悟樂の空間 > 身體健康 <--大家咁話!

卡臣 > 有呀我, 已經盡量早 D, 本來 6am, 現在 3am, 有進步 ga la.

聶秀康 > 借呀借呀, 借夠一對! 6 個鐘其實唔夠, 最好就有 8 個鐘啦.

cc 東洋狂迷 > 大家都逗多o的!逗多o的!逗多o的!

我不是公主 > 人仔計返港紙賺多o的, 有so.

自由行 > 聶秀康有三隻, 我地一人借一隻, haha.

apple > o拿o拿o拿, 妳就係真心祝福, 好多都係順口溜, 果o的好礙耳丫~

ceciyan > 五日半的工作好唔人道呀. (風涼話)

DOUBLE CHIN™ 說...

我成日夜麻麻都見你online! 祝我地身體健康!

素顏天使™ 說...

DOUBLE CHIN™ > 求救!! full of hopes 果邊好 hopeless, 整多幾條仔黎啦, 唔係就要摺 blog 啦 T_T

Meling Lam 說...

我其實想出賣我細佬,他是Johnny's事務所果Dstyle。

JC 說...

嘩, 你今年進帳真係好好呀, 計埋係公司逗個d, 都未夠上年呀~~~~~灰!!

另, 同自己講, 早d 訓會靚d...哈哈

BusyBee 說...

我今年利是反而仲多左!
但又冇拜多左年
果然大家都冇俾海嘯影響到...
仲有竟然到今日都仲收到利是
開心到!!

Lomiko 說...

同你一樣啦~~~
逗利是都要聽埋親戚講呢d野
佢地仲好奇問,點解會無拖拍?點解會分手?
關你咩事啊,真係好八掛..所以我都好拍見到d親戚..

匿名 說...

即是等於我這類已婚女性通常都聽到"連生貴子", "三年抱兩", "快些生多些 BB" 之類, 其實想生 BB 就話岩聽嗟, 唔想的, 其實好礙耳兼似詛咒. 已婚女人一定好想生仔嗎? 我今年開始派利是, 個個收到利是都對我講呢句, 其實再係咁我下年一聽到呢句就唔派.

MM