Jack's Terrazza Ristorante

週日晚和某君到鯉景灣晚飯去,記得早年曾經光顧此店的灣仔三里屯店,印像甚佳就選了此店再次光顧。點了一個二人晚餐,份量是意想不到地大,飽的撐的要死。


麵包烘的暖暖,幾件不同款的都好吃,尤以有蕃乾和橄欖的這件酥餅最佳。


先來頭盤 Caesar Salad,生菜尚算新鮮,不過不失。因份量較少,吃的不過癮。我好喜歡吃蔬菜呀!


意式田螺配雲吞,無甚特別。田螺無啥味道,好淡。雲吞 OK,但可能是買貨的吧?


麵食方面,同行的人愛吃 Pizza。在 Penne 和 Pizza 之間二取其一,就選了這 Super Hawaiian 夏威夷薄餅。薄身 pizza 新鮮焗好,香脆,沙樂美香腸的油漏的滿 pizza 都是,材料也豐富,好味。


主菜是雜錦海鮮拼盤 Mixed Seafood Frutti Di Mare,分別有 Grilled 過的虎蝦,炸軟殼蟹,還有帶子和薯仔雜菜作配菜。炸軟殼蟹略嫌油膩,虎蝦的肉質也不夠新鮮,帶子一開二份量也太少。下面那盤食肉獸至愛的烤紅肉則好吃得多。


再來又是好 hardcore 的 Mixed Grill Alla Terrazza 扒錦繡大會,分別有 Grilled 的 beef filet,羊扒,Ribs,還有薯蓉,汁料則是紅酒洋荵汁。

我記得看過一集蘇絲黃講到食 Ribs,她說不離骨的 ribs 才算好吃,我心想有無搞錯呀?!不離骨的 ribs,「乾爭爭」,好食個屁麼!這店的 ribs 又多肉又 juicy,離晒骨,好味得很!牛柳七成熟剛剛好,惜肉質稍差了一點,這個就跟煮的人無關,是用料不夠靚。至與羊扒,sorry,無食。我對羊肉敏感,同行的先生也不喜歡吃,所以就只吃剩了這兩件羊扒啦。


Cassata 是傳統的意大利雪糕,有點像小孩時吃的雪糕蛋糕或者 Princess cake 之類的甜品。由三層不同質感的硬身雪糕組成,奶味和甜味都重,不俗。


Tiramisu 屬自家製品,吃完甜味甚濃的雪糕,其實此蛋糕已是甜味盡失。加上實在太飽,只吃了三分一就作罷。

最後還附上香濃咖啡一杯,以此價位加上食物水準,實在也無可挑剔的了。


環境跟三里屯店一樣,也設有特式的鞦韆座位沙發。沙發與沙發之間設有金屬欄,故此不怕碰撞。但此店比之三里屯還是略遜,因地點較偏僻,而且環境不夠開揚,空氣也頗為侷促。最不喜歡的其實是那些藍色的燈光,減夠二十分,本人之偏見。服務不俗,尚算殷勤。

買單連加一 HKD$435,謝謝某君請客。


送上當晚樂師不停 repeat 又 repeat 的一首《Moon River》,最經典的,當然是這個 Audrey Hepburn 在《Breakfast at Tiffany's》所唱的版本。電子琴聲 / 格子桌布 / 坐鞦韆 / 加上五十年來最圓的一輪皎潔元宵明月,那是屬於舊時代的浪漫。

祝各位元宵節快樂。

--------------------

Jack's Terrazza Ristorante
地址:西灣河鯉景灣太康街55號地下GA26-31號舖
電話:2885 6728
類別:意大利菜

20 則留言:

haku 說...

真心話, 我成日覺得蘇絲黃唔係真係咁識食. 對食物有要求同識食係唔同層次囉, 我只覺得佢係太多要求.

元宵快樂!今天晚上切記看一下59年來最大的月亮啊 :D

素顏天使™ 說...

haku > 之前我睇江獻珠在某期"飲食男女"插蘇絲黃煮大豆芽肉鬆煮錯晒, 一路睇一路笑到我卡卡聲.

其實飲食呢回事講真都無話分對錯, 只有o岩唔o岩自己口味, 而口味呢樣o野, 太 personal. 咁蘇絲黃的口味係咪等同大眾一樣, 睇o既人又認唔認同, 又係另一回事咁囉.

佢煮o既o野有的我都會跟, 有一o的o野佢亦有佢o既道理o既, 又唔會錯得晒, 我覺得.

但我認同你果句 "對食物有要求同識食係唔同層次".

匿名 說...

suzie wong was saying, if the ribs 離骨, then it's likely that the ribs was not roasted from the beginning to the end. usually the restaurants just boil or steam the ribs and roast it in the last few minutes to pretend it's roasted all along. and in this regard i share her view. but of course we all like meaty juicy ribs!

素顏天使™ 說...

匿名 > 不如咁睇, 果個煮的方法係咪用水先煮過就代表唔好食呢? 從一開始就燒到尾係咪就等如好食呢? no matter what, 乾柴咁唔離骨的 ribs, 恕我不能接受.

btw 佢講果間小白屋, 佢地的 pasta I agree with her 的確好味!

Good 說...

喂 喂 喂 新年去邊玩呀?
我就去了好多地方 玩 wor..哈哈哈

無見咁耐 今次唔鬧住 不過你的blog 真係唔掂 寫來寫去(成年) 都係咁 or 太 commerical....
去睇睇 揚眉女子..Xianga..etc 點寫blog 啦 OK ?

素顏天使™ 說...

Good > 咁耐無見, 新年快樂喎o下.

哈哈哈, 係o架係o架, 寫來寫去都係咁o架咋, commercial 都無問題丫, 正所謂 "不理黑貓白貓, 捉到老鼠就是好貓", 仲有人睇咪就得囉.

唏~ 加上人地點寫又同我無關o既, 揚眉小姐個 blog 好純潔o架, 你咪走去搞人o添呀你.

Good 說...

咁耐無見,新年快樂喎o下,...U 2 la
唔記得買的野比你 tim...

素顏天使™ 說...

Good > 乜咁客氣呀, 唔洗咯. 我見你 D 語病都醫返好, 好到直情似第二個人咁, 脫胎換骨, 都實在係好安慰啦~

j 說...

喜見Good伯,妙極、妙極。但細閱之下,字裏行間嗅不出閣下以往的味道。如閣下非Good伯,請勿冒認。正牌Good伯發火非同小可。若真爲Good伯則敬請勿擾揚眉,免卻污染。

Good 說...

若真爲Good伯則敬請勿擾揚眉,免卻污染。

又關你隻畜生 事?
想溝 揚眉 有無鏡 呀
不知自量

匿名 說...

成日有人請你食飯, 你就好啦! 識得多人真好,唔駛錢成日有好野食。

Garden of Eden 說...

細個時真係好鍾意食雪糕蛋糕﹐記得係Sara Lee紙盒裝o既﹐舊雪糕蛋糕外層係啡食o既﹐裡面係黃色o既﹔外面係蛋糕﹐入面係雪糕﹔雪糕同蛋糕之間又一層紅色o既果占﹐形狀似瑞士卷。

其後陸續推出好多新版雪糕蛋糕﹐依家係咪已經冇得賣喇﹖好似已經絕跡超市lu﹐唉﹗令人懷念﹗

素顏﹐你係咪話件Cassata似Sara Lee呢隻雪糕蛋糕﹖係o既話真係有D興趣去試下bor!

KKdance 說...

caesar salad 睇得出份量少, 可能香港人細食佢遷就返? 留返個肚食個個望落去好正的pizza ma~ ^^
p.s. 其實我真係覺得你影d 相會令到d 食物好吸引~~@@~~

KKdance 說...

呀唔記得講...
個人認為蘇絲黃只係talk 得, 所以節目好睇, 煮野食則見人見智..=__=

j 說...

太好了,這個是真的。

Garden of Eden 說...

Sorry 素顏,想借你的blog向那位Good先生/女士留言,見諒!

To Good先生/女士:

從你對各位Blog友的blogs及其文筆風格上作出的批評,借問聲你本人又有沒有寫blog?

可以讓大家看看嗎? 我想大家都奢望從你的blog中學到一些更高層次的東西吧?

匿名 說...

穌good者野簡單複雜化,炒碟苦瓜牛肉好似整五頭鮑魚咁又助手又理論...口水多多...吾識者比佢嚇到吾敢煮,識煮的覺得佢搵野黎攪.

佢的推介食店好大路,有錢人人都有更好選擇,而且巳是反炒cable的節目肴底也!冇乜好睇!

fun blog blog 說...

haa離題1問~"Full Of Hopes...Or Not?"e個blog仲咩事死左??冇哂update?唔通hk d靚仔真係死哂???????? @_@"

素顏天使™ 說...

fun blog blog > 係喎, 真係無收到相, 摺 blog 架啦, 好灰呀!

FlyingMinx 說...

Hello!! 祝牛年桃花開燦爛!! Btw,我好鬼憎蘇絲黃.....好Q煩....