《怪物》

昨天自己看了《怪物》的 VCD。

作為一部驚嚇片，佢係失敗o既，最失敗就係林嘉欣爛面造型過早曝光，已經一o的都唔驚，全部戲我得一個位係有o的驚，就係癲o左o既林嘉欣用口開罐頭界爛嘴角果場；但如果作為一部講親情o既劇情片，咁反而幾好睇。

舒淇同林嘉欣響電影入面表現出母愛如何偉大呢o的，我唔講了，因為太多其他人o既影評都有寫過，想講下電影入面位小演員， 真係好鬼死好戲，好戲得o黎仲要係有童真果隻 (香港o的細路好難o架，個個幾歲大已經老積過乜)，同樣都係對住林嘉欣，靚樣果時可以扮小乖乖，對住佢爛面果時又識喊同面露極度惶恐表情 (見圖)，去到電影末段因為對得耐開始當o左林係媽媽問林去o左邊果時我直頭覺得佢係真情流露。

真係好好戲！

舒淇同林嘉欣都唔叫偉大，呢個小演員o既親生媽媽就真係偉大啦！肯比個仔拍套咁o既戲，又要爬冷氣槽又要浸污糟水仲要對住化到個樣爛晒o既林嘉欣，日日發惡夢都似呀！