重看電影《戀情告急》裡面有一幕，古天樂問佢隻貓有無睇過部電影叫做《貓之報恩》，係時候報答主人，幫手打電話比分o左手o既女朋友梁詠琪 tum 返佢返屋企。
會心微笑。
但係我相信我隻積積係完全唔會報答佢個主人我呀！
林積積惡行如下─
‧成日一起身就咬我。好大力果隻。
‧同佢玩玩下就用貓爪「畫」人！搞到我o的手腳花晒！仲流血o添呀！
‧賊仔！！呢排最鐘意偷o野！偷膠紙啦，偷我條頸鏈啦，玩窗廉繩，咬我o的裙腳，玩廁紙玩到一地都係，尋晚偷o左疊 memo pad 仲要飛到一地都係紙！
‧極度為食，有貓食o既o野唔食，專吼人食果o的。
‧又唔知自己o依家咁大隻仲成日 目訓 人地心口，重到死。
林積積只係四個半月大已經大隻到咁樣啦！！！！
成個麻甩佬咁款！
發佈留言