拜年

今年o既利是收鑊少得出奇，破歷年最新低。

不過我仲有三幾個結o左婚o既朋友未見到，仲有我阿媽果封我阿婆果封同埋我表姐果封，咁當然仲有男友爹o地媽咪果封因為我都仲未去食飯。

但有一樣o野就係今年所有見到我o既人都係問o左我句一樣o既o野就係－

「幾時到你派呀？」又或者

「好快o的結婚啦你！」

嘩！我都想！林先生肯娶我先有得嫁呀大佬~

同埋話實我個樣係生得老o的但係我都仲係 24 o者 all and all！洗唔洗咁快？

啊！不過咁，口係咁講，有個好緊要o既人都問o左阿男朋友我o地幾時結婚！嘿嘿嘿~

係好開心o架！

因為呢個人呀係除o左我之外另一個有權洗我男友做o野o既女性啊~

嘻嘻嘻嘻嘻~

至於我o地幾時結婚呢個問題…唔…遲o的話你知！

今期《壹》仔講陳慧琳今年都會結婚啦喎！恭喜晒！拍o左 13 年拖先結婚！查實一般人係拍幾耐拖先結婚o架呢？13年呢如果比普通人o的阿爸阿媽仲唔催到痴線？