新鄰居

鄙人住o既唐樓屬於一梯兩伙類，住o左呢度差唔多兩年。

今日下晝返屋企發現原本個鄰居搬走o左，又有新人搬入o黎喎~

兩年內已經係第三輪啦，第一對搬入o黎o既係對小情侶，10 o靚歲比盡20，唔知做咩，但係著衫幾潮，見到都唔打招呼，一個禮拜有五晚都嘈到癲 (包括 XX 同埋打麻雀，因為我本人唔打，所以都幾鬼憎人打)，住o左幾個月就搬走o左，即刻耳根清靜。

之後就係一個單身麻甩佬，20幾尾果隻，做剪頭髮o架添喎，我男朋友暗地裡叫佢做阿輝，唔知點解？(其實佢係有講過佢叫咩名，但係我轉頭已經忘記o左~ :p) 氣質似啦可能，哈哈！住o左唔夠一年。

求先裝到呀新鄰居好似又係單身麻甩佬，唔… 上兩轉o的鄰居都型好多喎~ 等我遲o的打聽下包租婆今次又加到幾錢租先！