新鄰居之二

我尋晚先發現，原來新鄰居係個女仔o黎o架喎。
(果日見到果個，可能係佢條仔，又或者幫佢搬屋o既人)

睇佢個鞋架o的鞋，似係普通 OL。

不過都係無禮貌，我見到佢，同佢笑，佢當睇我唔到，兼且好串樣。

OK！

裝到佢屋企將個床褥放響地，本身想好心 warn 一 warn 佢，呢度雨季呢，門罅會滲水入屋，o的水浸起上o黎有如小水塘，所有o野都要墊高擺。

well，床褥濕透將會係佢唔同鄰居打招呼得到o既報應！



p.s. 仲要係深夜大大聲聽歌果o的人o添呀！真係要快o的搵地方搬！

p.p.s. 我見到佢有個大型貓玩具，三層人咁高可以 (比貓) 跳o黎跳去果o的架，嘿，好叻咩！