上樓

星期六返阿媽度食飯,今次就出街食,但係阿媽又煲o左湯,所以訂好檯就走返屋企飲o左湯先,魚翅花膠蠔豉豬骨湯,好補。



飲o左一大碗湯又食o左好多湯渣,其實已經飽得好緊要。

--------------------



阿媽屋企附近,相當無啖好食。附近有個屋村商場仔o岩o岩 revamp 完,本來o既稻香一拆三,分做 上樓 / 潮樓 / 同埋稻香本身三間 (同一集團),訂位情況混亂,6.30pm 去到已經7成滿。



裝修走新派路線,靚唔靚則見人見志。不過呢盞燈 OK 喎,用o的膠珠串埋扮水晶,可參巧。

屋企人對食飯無乜意見,加上我地5個人全部飲完湯先走落o黎,所以我只係點o左好少o野。



涼菜,雲白肉。味道 OK,不過不失。o的粉皮落得多得滯喎。最好食算呢樣。



涼菜,四喜酵麩。首先唔係手撕已經唔掂,味道偏酸!但我細佬好 buy 呢味,居然。



小籠包 (半打),唔難食又唔好食,塊皮好厚。



賽螃蟹,睇樣就知唔好食。借問聲果個蛋黃去o左邊???瑤柱發得唔好,有o的硬。



竹笙素燴,個勝瓜連色都變埋!想點呀?!

服務唔 O,有禮貌但蠢,拎住地拖幫我地落單,坐低好耐都唔比 menu,而且勁 hardsell 我o地食果o的唔抵食套餐。咁o岩我o地坐果張檯個地下有事,不停滲出地下水(!),應該係o的裝修做得唔好,地板下面有水管滲水。個侍仔不停拖地都無用,拖極掃都係勁濕。扣晒分。

男友請。埋單 $2XX,唔算貴,但係唔好食,幾平都無用。

--------------------

上樓
地址:將軍澳厚德商場2樓
電話:TBC
菜式:上海
匿名 說...

上樓,客棧...淨係去過潮館(樓),原來水準一間還一間--畢竟唔係kfc.
客響葵芳請食飯,個滷水同蠔烙好味到不得了;點知阿媽生日,諗住食餐好,去北京道一號果間,除左價錢同半個海景,所有野都打個七折.

素顏天使 說...

losing loser > 稻香集團的話,潮樓去過老銅分店,不俗 / 客家好棧去過利舞臺+美麗華分店,也不太差 / 稻香則最愛旺角近信和那一家,邊爐料新鮮,很讚。

朋友說旺角的上樓很好o壹,我想最差要數這一家將軍澳的上樓。

匿名 說...

你話我變態都係咁話.

所有響館子食過o既小籠包,包括唔知幾錢隻o既蟹粉,都唔夠公仔急凍(十一二蚊十六隻,當然要蒸熱)好味,可能因為愈靚愈無佢果浸肥油.

tt's y 一路都係(死)肥仔一名

素顏天使 說...

so far 咁大個女o係香港食過最好食o既,係響灣仔留園(見 04 年 10 月 7 日小妹之撰文),不過聽聞佢就執,可惜。

匿名 說...

Wow...

Screw the nutritionists!

Designed by OddThemes | Distributed by Gooyaabi Templates