生日飯(二) 飲呀~

世盃期間，都有o的酒吧唔裝有線無波睇，譬如我朋友呢間。

理由係：「你都痴線，陣間引埋o的直人上o黎咪仲死！」

都o岩，始終足球真係一項十分之直o既運動，gay 佬們都係比較愛舉鐵打羽毛波。

食完飯，上o左去飲o野，飲下o野又吹下水想下當年(都兩三年je)，玩下骰盅唱下K，飲下飲下，一個人飲o左成 jar 芝華士溝綠茶(一人一jar)，搭多杯 cosmo.，唔醉，但係好飽。一溝少少酒，今日個頭就赤赤痛。

不認不認還需認，年紀大機器壞，飲到 3.30am，幾條友仲「說」我落 Search，我頂唔緊啦大佬，聽朝仲要返工。你估以前，飲到 7am 食埋早餐先返工o既生活咩。

唉，真係好耐無蒲，我唔愛 Volar，唔愛喜喜，但我掛住 PP(Propaganda)，你話係咪痴孖根？

多謝 J 請飲o野，飲酒仲貴過求先餐飯啦真係~