有貓的生活 (20060612)

唉，男人最痛算這種。

林積積被閹記 2006.06.09

8.45am 飛的準時到達灣仔 SPCA (愛護動物協會)，已經有好多貓貓狗狗等緊，羅到第6號籌。

9am 等到見醫生，分派到比一個洋醫生叫做 Dr. Michael。林積積磅重，9個月大o既佢重 3.7kg，死肥仔丫！擺低林積積，有得 keep 低個貓袋。

12noon 黑雨，即刻打去 SPCA 睇下會點安排。CS位小姐話開放時間如常。



3.55pm 到達 SPCA 接返林積積返屋企，我一見到林積績即刻心都痛埋。因為佢塊面損o左(見圖)，接待位小姐問醫生咩事，醫生只係話可能麻醉完o既林積積醒返太驚，想撞出個籠走，比個籠整損o左兩躂o野響個鼻側跟，好陰公呀~~~ :( 塊面o既傷口用好稀o既鹽水輕抹就 OK，過幾日應該就無事。

至於佢本身個閹o左o既傷口 (其實係無o左個「袋」)，只要佢唔係成日舔，就唔需要帶太空罩。唔洗拆線，10餘日就會自動埋晒口。不過呢段期間就千奇咪沖涼濕水，唔需要戒口，亦都唔需要點樣特別照顧。

4.30pm 返到屋企，林積積軟賴賴咁，又唔講o野，初初我一抱佢仲有o的驚人o添呀。

6pm 可餵食，份量係平日o既一半，因為麻醉藥剛過驚佢食得太多太急會嘔。


之後果日林積積都係好靜咁樣唔出聲癱響地。好似好可憐咁。



















不過呢個可憐仔情況只係維持o左半日，尋晚佢又開知喪叫同周圍玩啦，好在~

終於似返我隻貓啦~~~:D