自己做‧日式金菇鮮冬菇炒豬頸肉

午餐，我自己去o左阿媽 office 度整電腦，佢特登拎o左煲粥過o黎，蠔豉瘦肉瑤柱粥，呵呵，好味。

夜晚，自己煮飯。林生陪我去 supermarket 買 食送，哇哈哈~ :em_34



日式金菇鮮冬菇炒豬頸肉

材料：豬頸肉，金菇，鮮冬菇，薑，味 酉林
(味 酉林，於各日式超市有售，約 $20 樽)

做法：

1) 已切豬頸肉解凍洗淨備用，吉之島買一盒約 $20 to $30，視乎有無特價，一盒約 3人份。

2) 金菇洗淨切去尾部約1吋，分小注。鮮冬菇洗淨切絲。

3) 調好調味料：剁薑蓉(分量一片左右)，味 酉林 同 豉油各一湯匙左右，糖半湯匙，有酒就落酒約 2 湯匙。我唔記得買，所以無落。:p 備用

(*林先生唔食薑，強烈要求下次落薑片等佢可以自己揀走。可參巧)

4) 菜油起鑊，炒豬頸肉，差不多全熟，撥埋一二邊，落金菇冬菇
絲，炒勻。

5) 炒得咁上下先落調味料 (3)，再炒，汁收乾就可以剩起。

6) 落芝麻，少量七味粉 / 辣粉，食得！！！

呢個係林生少有食清碟之菜式之一，嘻嘻嘻嘻~

可以做蓋飯，我尋晚就做o左個今日帶返工。



蠔油生菜，無o野好寫。



腸仔蟹柳炒蛋，小朋友林先生要求整o既，佢話另外一味整呢o的求其得啦喎~ 我都唔知點解佢咁鐘意食呢o的細路仔 食送~

食完飯仲可以坐定定睇《美女廚房》，哈哈，果然幾好笑。