《得閒飲茶》

「她是我一個好好的女性朋友，由拍拖，嗌交，結婚，離婚我都一清二楚，一直以來她都抱住一個心態，覺得老公娶到自己是執到，最弊佢又唔係靚到可以用執到來形容呢?
這 個問題我多年來都有同佢講，不過佢點都唔聽，去到前年佢老公終於頂唔順要求離婚，當時她才醒覺自己錯了，非常後悔，但一切太遲了。其實這不是一個女人的問 題，而是屬於香港所有女人。早前《Playboy》雜誌有個調查，從８萬名亞洲男士眼中選出各地女性的排名，結果香港女性並不優秀，樣貌，身材，性格，溫 柔，情趣等各方面的評分都很低，徘徊在下游位置，其中樣貌排尾二，僅僅勝過菲律賓，身材亦只嬴南亞國家。身邊男人講你唔信，今次由８萬幾個男人一齊講，你 點都要信些少啦?
香港女性根本沒有你們所想那麼高質素! 你或者會反駁日本，韓國女仔靚咩? 整容之嘛。係呀，人地肯整喎，你有冇呢份自知之明呢?」

以上係《得閒飲茶》導演林子聰開拍呢部電影o既前言。

前 晚同男友一齊睇o左 VCD，比我 expect o既高分o的，作為新導演o黎講算合格，始終編劇出身o既肥仔聰編係強過導，變o左電影就會出現o左偶有佳句 (e.g. 『拖下手又男朋友，食下飯又男朋友，通街都係男朋友啦，咁我咪好唔得閒？唔好咁幼稚啦﹗』) 但成套戲出o黎o既感覺都唔係係太強o既情況。亦都有新導演一般通病，想拍o既o野太多，入面o既 animation 到唱日文慘歌o既場口都好突兀，效果亦唔見得好，絕對可以省略，會更見清新。

故事入面o既 Viann 同方力申o既故事，其實好單向，只係一面倒咁將男性對於「溝唔到女」o既心態講出o黎，故此如果男性睇的話認同感會大o的，我自己就覺得得啖笑，對於故事入面方力申呢o的一人戀愛自虐男我見得太多，比人玩仲自以為係大情聖。

至於林子聰所想拍o既 typical 港女特質，故事入面反而只係輕輕帶過，或者可以將果一部分再玩得大o的。

btw，睇之前我好憎 Viann，睇完，無變，一樣好憎。

完全係一副八婆嘴臉。