午餐，自己返o左阿媽屋企，食o左半碗米粉 + 半隻鹹肉粽 同埋 拜神。飲o左花膠嚮螺豬骨湯，幫阿媽整電腦。
------------------------------------------------------
晚餐，入o左沙田男朋友屋企。同男友屋企人食飯，大人細路加埋又有成10個人，10個人有 10 個 食送 加一個湯，男友 daddy mummy 好勁！！！煮o左成個下晝。
食飯前飲湯，鮑魚花膠海參煲雞湯。豪！！！鮑魚係青邊鮑，啖湯好甜呀~
冬菇鴨掌蝦乾炆海參，超惹味，十分之好送飯，男友媽咪話o的海參係自己發o既，強！鴨掌炆得o岩o岩好，一放入口就離骨，很正！
豉油王煎大蝦，o的蝦超大隻，可惜我食果時凍o左啦~ 唔係仲加好味~
之後o的相九成九都係手震，因為係男朋友襯食飯之前好快咁影o既，金針雲耳蒸肉片，家常小菜，呢味我食得好少，唔係唔好食，都好食，但係個炆海參太強我食o左好多，我個胃無咁大啦~ 據講今晚大部分 食送 都係男友 daddy 整o架~~ 好犀利！
香芹肉絲蝦米炒粉絲，都係家常小菜，都係食得好少，理由同上。
男友哥哥買返o黎加料，係響河畔花園有間出名燒味舖買o架喎~ 半斤叉燒，一半係半肥瘦，一半係全瘦，果然唔錯，肉質 tender。
相對o黎講個燒鵝 (鴨?) 就麻麻地，騷味好重，比較肥仲有好油，真係有成吋油響個盒底。($90幾蚊 / 半隻)
另外無影到o既有蠔油菜心，大大條潮式鱸魚，潮式芋頭油豆腐煲，一窩蛋炒飯。
大家見啦，男友屋企人煮o野食好鬼叻，林二少就真係難上加難服侍啦~
我阿媽送o左兩隻粽 (街買o既) 比男友阿媽，男友阿媽又送o左5隻粽 (自己包o既) 比我，我會留2隻然後拎3隻返阿媽度，今晚或者聽日就整o黎試下先~~~~:D
------------------------------------------------
叉燒大王
地址：沙田大涌橋路20號河畔花園地下39號舖
電話：2647 7166
菜式：港式，燒味
發佈留言