義氣1 之 富豪金殿

先講食o左o的咩,呢個係星期六o既早餐,時為 12.30am。








海蜇‧叉燒‧掌翼,叉燒得,酒店燒味好少話唔得o既,因為買貨o黎o架嘛~



風沙牛脊柳,賣相詭異,不過味道係幾好食,o的洋荵絲好甜。



西芹炒雞柳,無乜食,我唔食西芹的,雞柳無特別。



呢味原來叫陳皮老豆腐,我仲以為係北菰小棠菜,OK lor,你 expect 會有咩特別?



粟米石斑塊,越食越似碟頭頹飯。



魚湯浸菜苗,好難食,淡而無味,何況呢o的邊係菜苗?o的津白老蓮咁大棵,想點?



蠔皇乾燒伊麵,油到呢~~~~~~~~~~~~~~~~~~~~~~~~~~



菜粒蛋白炒飯,相比之下,雖然呢個炒飯個樣好衰,但係味道都唔係話太差。



精美甜點,你覺得精唔精美丫?難食到爆!!!!!

最大得著係立o左兩張買一送一 tea buffet coupon,有無人想要?


點解會無啦啦夜媽媽食咁鬼死多o野?

事緣係咁。

有朋友做傳銷生意,o拿,一班朋友係由佢 day 1 做果日開始都不停咁叫佢咪鬼做,丫,點知,佢真係有o的計,做o左幾個月,比佢做到上鑽石級主任 (talking about 單月入 US$7萬),好勁。

咁佢幾個禮拜之前,已經講o左幾次叫我o地去睇佢領獎同埋食飯。

咁,見佢咁高興,咪去lor,食唔食餐飯,seriousily,都係其次。

真係見係佢先去咋,因為如果唔係咁熟咁多年朋友真係都唔去。頂丫~ 原本應該有 6 個人去,得返 3 個。(有2個出o左埠,1 個屋企有o野做) 早知我都返大陸過大海避避風頭。

去到,7.30pm,開波都已經 8pm,坐足幾粒鐘睇o的人上台 手羅 獎講埋o的洗腦o野,che,你搵好多錢關我鬼事咩,又唔係送o的比我洗。又無o野食又無水飲,悶到暈咁坐幾粒鐘。

最惡頂,佢地個最頂級o既唔知咩地上最強 CEO,一個大陸女人呢,走出o黎埋門致詞,嘩頂~ 又唔收口,係咁講講講,一個人講足30mins,果o的咁o既核突大陸國語,明明個 mic 都以經好大聲,佢仲要用o的高頻聲去o益 mic,我以為自己去o左人民大會堂開人大常委會。

仲有呢,原來真係唔係好多人著衫有 taste,(為存厚道,諗諗下都係唔 post 相,我悶得滯偷拍o左一o的),o的女人著到鬼五馬六,o的晚裝全部一眼就睇得出係金都貨色,都唔算好笑,有個男人,30零歲算好後生,又係o的唔知咩咩級勁人搵好多錢,梳個蛋撻頭,著o左套全身米白色西裝(!),黑邊車 lace 花,ruffle 恤衫 (!!),大荷葉 ruffle 袖(!!!),閃閃大粒鑽石衫鈕...

...無言。

唯有安慰自己當見識下。

最後,食完飯已經係 1.30am 先走得,唉,下次呀,再升o的咩宇宙級經理呀咁樣又話食飯又話剩幾大都唔去呀。

無 friend 做都係咁話!


----------------------------------------------------

富豪金殿
地址:銅鑼灣怡和街88 號富豪香港酒店3樓
電話:2837 1773
菜式:中式

Designed by OddThemes | Distributed by Gooyaabi Templates