生日飯(六) 續篇 之 生日禮物

其實尋晚我已經收到,係一隻戒指。

o拿~ 唔好嘩嘩聲住,送禮人話無意思的,for birthday only,只係知我想要好耐先買。

實際個情形係,我係想佢送戒指比我好耐,咁我係典型港女嘛,好敷淺的,想要一 pair 情侶戒指,好似可以對外宣佈有人認o左頭咁丫嘛~ (當然,meaning 更多,越好)

中學開始,我就鐘意 Tiffany,因為佢係一個代表忠貞愛情o既品牌 (比o的廣告洗o左腦)。以前收過大大細細o既 tiffany 禮物,但係無一隻係戒指;又收過一o的戒指,但又無一隻係 Tiffany。

呢隻係我第一隻 Tiffany 戒指,係 Titanium (鈦金屬) 做,(好似係)上年秋天出o既新款。我見到街果o的男男女女都戴銀款 1837 戴到我有o的怕,呢個新o野,襯唔係咁多人戴,快o的戴o左先。



本來之前 x'mas,想買一隻比男友,佢話唔要,擱置o左,但有一齊睇過下。我覺得黑色果隻好靚。



結果我真係收到一隻黑色款做禮物,我收到果下,係有o的呆,因為恨要好耐o既o野竟然真係比我恨到!(我一定要寫出o黎呀,有人以為我唔鐘意) 唔識做咩反應好。無人會明,點解我會咁o既反應。

男友好叻,識得偷o左我兩隻戒指去度 size。


不過戴上手,先覺得個色唔係好襯我。下晝拎o左去 Landmark 分店換做銀灰色。

即晚就戴住去食飯。多謝你,my dear!

我希望下一隻收到o既會係 Tiffany o既鑽戒 (細粒都得o架啦~我唔大貪),最好係有 purpose 下用o既o添,嘿嘿嘿嘿嘿嘿嘿~
Kinson 說...

剩睇圖,我都係鐘意黑色多d唧~

素顏天使™ 說...

kinson > 兩隻都靚, 但係銀灰色比較襯我.

Son 說...

tiffany wedding band 確係好
我買過一對 milgrain platunum,
最後唔見左, 跌錢兼分手收場. 哈...
另一隻, 希望個主人好好地收好佢喇.

素顏天使™ 說...

son > 我前年生日男友買o左條 Tiffany 頸鏈過我, 不過我懞剩剩唔見o左, 留低o左響舊公司洗手間, 轉過頭比人執o左. 好彩男友無鬧我囉~

呢次我會小心o的戴啦~

Designed by OddThemes | Distributed by Gooyaabi Templates