《獨家試愛》

遲來的觀後感。

寫得《得閒飲茶》無理由唔寫《獨家試愛》，方力申打方力申，仲要係同戲種，我相信香港電影史上都唔會再出現。

如果要比較，咁《獨家試愛》的確好睇過《得閒飲茶》，起碼個結局夠「破」，我睇好多人寫呢套戲o既評語都唔鐘意個結局唔係大團圓，但係講真，我依家仲記得反而係因為最尾果個 twist。

如果用 Stephy 打爛碗果場戲做分水嶺，咁上半好過下半好多，打爛碗果場戲 Stephy 做得的確唔錯 (if，唔係 導演教佢 /劇本有寫 的話)，方力申表現普通，太正氣靚仔樣，我好難代入佢落個角色度。

仲有，套戲拍得吳佩慈好醜樣，點解要逼佢講o的唔鹹唔淡廣東話？個角色都寫佢係教普通話o架啦，講普通話咪就得囉！不過佢都唔適合拍戲，因為佢都無戲，做下紙上明星咪算囉。

---------------------------------

我都唔知道，由幾時開始，專一已經唔係兩性關係中o既 compulsory，變成 optional。

可能我真係 out o左。

所以，thanks god，比我搵到一個同我一樣用舊世界 standard 拍拖o既男朋友。