生日飯(六) Le Mieux Bistro



我全年最緊張o既其中一餐飯,就係我自己o既生日飯啦!

呢間我揀,因為想試好耐,同埋唔算貴丫!幫男友慳返o的錢嘛~(佢本來諗住揀 Amigo o架!)

先講少少 background,呢度大廚 Ricky 本來係萬麗海景 Scala (食海鮮十分出名) 做o既,後來自己出o左o黎開呢度,好評如潮,Ricky 手勢我想試好耐,但係 Scala 咁豪我食唔起啦,啦下只係幾百蚊就食到,仲唔仆到去呀?!

晚餐全世界都係食 chef set dinner,$500 /6 個 course,menu 要當日朝早先會知有咩食。



環 境 comfy,部分座位有海景(譬如,我今晚坐果張),廳有大約6張檯,每張最少坐4-6人。另有 party 房一間,今晚就有堆 executive look 西裝友 book o左啦。客路 average 35歲+,仲好,起碼靜o的。 主要做熟客生意 (Ricky 先生滿場飛同o的客人吹水)。

食左的咩呢,睇相!!!



麵包 (咁都好影,無聊到爆),好食,上檯時係微暖,唔係微波爐叮叮貨,但千奇唔好食晒,留肚。



Appetizer,係呢個 Gazpacho Jelly(西班牙海鮮凍湯o者喱),上面係日本甜蝦,超甜,下面係新鮮蟹膏混蟹肉,中間在撈o左o的青瓜絲同唔知咩汁,酸酸地,好開胃。



Starter,Tian of Lobster, Scallop + Salmon,回味無窮!o的帶子鮮甜到呢~~~~~~~~~~~ 又好 juicy,伴埋旁邊o的柚子橙汁,仲有啖啖龍蝦肉,實在係好味得好緊要,男友盛讚呢個!



湯係 Beef Consomme,牛肉粒用上澳洲和牛,入口即化,個湯你以為好淡?我話你聽,o的牛肉味濃到不得了,配埋o的洋荵,餚唔知幾耐先餚到呢啖湯出黎呢?白色一粒粒果o的係法式燉蛋喎~

(相片已被移除)

生日 special,(準備)飲湯圖!
(我梳o左九一界,o的頭髮影出o黎一餅o野咁~:p)



我全晚最喜愛第一位,Roasted King Prawn,燒大蝦!蝦開邊放o的類似千島汁(??)響面,傍邊係澳洲有機 BB 菠菜,果粒細細粒o既係西西里蕃茄,全部都係好尾到不能,可一不可再o既絕配!

(相片已被移除)

送多張美女切蝦圖,生日先 post o架~ 嘩哈哈哈哈~



main course 係 U.S. 安格斯 rib eye,同 Ruth's Chris 大啖肉o既果o的又有唔同,感覺上比較細緻同 delicate 一o的,我覺得呢個更適合女仔食,而且佢燒得實在係好靚,係 just right!



是日甜品係 home-made 黃花果(?)雪糕、巧克力慕絲、chocolate ice-cream puff 仲有一小堆生果。朱古力果兩樣都係掂,雪糕滑奶味重但肉桂味都重 :(,仲有生果堆入面有木瓜粒 :(,全晚係得呢兩樣小物我唔食o架jet。

set 包 coffee / tea,我o地都係飲啡,呢度o的啡都係好靚,濃而且滑,即叫即做,我成日覺得,要試一間餐廳有無誠意好唔好食,最好由杯啡度入手,所謂見微知著。呢度,當然係掂。

overall 呢度的確係海鮮比較出色,全部都新鮮到好似o岩o岩釣上o黎咁,但係其實味味都十分掂,係無任何一味唔好食/ 唔對胃口(除o左o的木瓜粒啦下),真係過份!(我食過咁多貴餐廳,好少可以做到呢樣o野) 服務亦都好好丫,每上一個菜都會詳細介紹下先。

另外呢度無 free water 供應,只有 Panna,飲o左兩支 ($30@)。

埋單連加一 $1,166,實在係物超所值。推介!!!

多謝超靚仔林先生。*3* kisssssss~

----------------------------

Le Mieux Bistro
地址:柴灣嘉業街18號明報工業中心B座407-408號
(無車的話,最就腳建議柴灣/杏花村地鐵站打的)
電話:2558 2877 (必需電話預訂)
菜式:法國 / 私房菜
備註:無酒牌,但唔收開瓶費
http://www.givemefive.hk
ShoGunB 說...

隻tiffany幾型喎!呢隻係今年第四隻最靚o既ring。點解係第四隻?!(因為你係最遲比我見到o個個囉!hahaha)
間餐廳好似好得喎! 不過, 柴灣o個o的位太隔"sit"!我呢o的無乜方向感o既人會迷路o架! Anyway, Happy Birthday@第四次!lol

素顏天使™ 說...

shogunb > 即係你已經識得有4個人買o左同一隻??? 唔係化...............o_0" 間餐廳好得同埋唔難搵o架~

多謝 @ 第4次! :)

ShoGunB 說...

唔係啦! 唔係啦! 唉.....第一隻見到o既係zucca我宜家帶緊o個隻, 第二隻V.WESTWOOD我男友帶緊O個隻四方介, 第三隻SWATCH朋友生日時人地送比佢O個隻, 第四咪你O個隻囉! 明無?!

路人 說...
網誌管理員已經移除這則留言。
Designed by OddThemes | Distributed by Gooyaabi Templates