世盃篇．荷蘭對塞爾維亞和黑山

我睇波，真係四年一度，女人為o左討好自己鐘意o既人呢，真係乜都做得出，譬如我，竟然去o左睇波，正確o的o黎講係學睇波，我鬼識睇咩，有o的女人又話睇靚仔，我從來都唔 buy 鬼佬，亞裔o既，係得日本同南韓我都有o的o的o的興趣目及下。

屋企無裝 cable TV，除o左去朋友屋企之外，另一選擇就係要出街睇，劈場太雜，其他如 outback 等洋食店消費又貴 (min. charge $128@ +10%)，晚晚睇你都咪話，真係好甘。

所以，有波睇o既茶餐廳其實都係一個好選擇。

太古坊一帶，平時星期日晚一定鬼影都無隻，世盃期間，所有有波睇o既地方都爆，酒吧又爆，連茶餐廳都爆，爆到一個地步係去茶記食飯要晨早訂位！！！！！

呢間木偶平日食 lunch 都間唔時有o黎，老實講，我覺得算係難食果批，不過佢 一定有位 同 強勁冷氣 + 食得煙 係一個好大o既優點，所以枕住都會o黎食下。

8pm o黎到，十分好彩(!)分到一個 1 1/2 人卡位，搭檯搭到走廊都攝唔到人，門口仲貼埋滿座o既通告o添呀！90%男人，有少量睇波女士。煙霧瀰漫，佬味十足。

設有最低消費 $30@，所以，食住飯咁睇波，有「so」！



叫o左兩個小菜套餐，有一個小菜+一個中式湯+餐飲，呢味西蘭花炒斑片，賣相 OK，但係o的斑片入口即溶(!!!)，甚怪！！！



o者o者雞煲，味道 OK，不過雞得好少，同埋好多碎骨。

中場過後叫o左杯紅豆冰o黎 share，完全係地獄！o的冰溶到好似擺o左半日咁樣，簡單o的o黎講係次一堆紅豆浸住o的奶白色o既水，真係比死更難受！

買單 $102，化算，但係唔好食。

我覺得今場算幾好睇啦，雖然入得一粒，但係多埋門，又踢得快，我好少睇波唔係發呆同埋做第o的o野 (e.g. 睇雜誌, 玩手提) 打發時間o架~ 真係睇晒全場！好叻！！！

------------------------

最 後，想問一問價，因為o黎o緊仲有 50 幾場，尋晚特登問過街邊o的 Cable TV promo. 檔，開價每月 $236+$30 ($30唔知乜鬼o野錢o黎)，再加 $150 安裝費同埋簽成 18 個月約，個 sales 仲要一副唔憂做樣 (串到好似巴士阿叔事件果條四眼蛋散咁款)，我o地當然睬佢都傻啦~

各位有裝 Cable TV o既 blog 友們，你地用緊甚麼 plan？

------------------------

木偶茶餐廳
地址：側魚涌英皇道951號地下
電話：2880 0883
菜式：葡國(?)