護照記

話說我下兩星期會去外遊,而我持的 BNO 去當地是需要拿簽證 (VISA) 的。昨天早上特意請假去做簽證,怎知,這種一般只會發生在「聽講阿八嬸個仔上次好白痴」的情況,竟然發生在我身上!


我的 BNO,已經過期一整年!!!(上年整年未有外遊,鬼知佢會過期呀?!) (上一次 renew 是 2002 年,那時簽給我的是一本 5 年期護照,因為我再對上一本是兒童 BNO。) (但我上一次 renew 都已經大人大姐,鬼記得本 passport 會得 5 年咁少時間!)

還要是,我去到那個領事館時才發現的!!!!

好啦,於是我打去英國領事館問 renew 一個新的 passport 要幾錢,該位很好禮貌的接線小姐就答我需時 5 個 working days,但如果真的太趕,是可以酌情嘗試做 fast pass,而一本成人的 BNO,32頁,10年期,是需要 HKD$1905!!!!!!!!!!!!

我個心裡面即時「o下~~~~~~~~~~」一聲,然後就想,不如換一本特區護照啦,橫恕也要換。

好啦,我再打去入境處查詢有關情況,得到的是電話錄音和電話裡那把溫柔電腦女聲的「你現在的輪候號碼為‧三‧十‧六。」!!!!!!!!!!!!

谷鬼氣,我一邊聽著那些電話錄音,一邊跑去灣仔入境處大樓直接查詢 (當時我是穿著 3 吋高高跟鞋的)。我排隊排了 15 分鐘,電話還在「你現在的輪候號碼為‧二‧十‧七。」!!!!!!

OKOK,不打緊,問到我想要的 infomation 才是最重要。原來,一本特區護照 10 年期所需費用為 HKD$375,需時 10個工作天,我很好禮貌的問那位詢問處員工,如果我是好趕好趕,要去旅行,會不會有快証之類的服務呢?

不過這位四眼電車樣的員工就不是太好禮貌,答我:「你求先係咪話去旅行?」「係呀~ 係呀~」「小姐,去旅行唔係理由!」「咁...咁...咁.....最快幾時有?」「22號啦,10個工作天。」

22號?!!我去完旅行返到香港啦!!!!$#%^XY&*Z&%##

ok,我明白,去旅行要做足充足準備,check 好護照有無過期是我的責任,不過你政府部門不予人方便之門,fine fine fine,無問題,公事公辦。但你作為 customer service 前線員工,態度是否要做好一點,不是「囉囉聲」咁樣呢?!公務員鐵飯碗大晒呀?!

30幾度高溫加上心火盛,穿了高跟鞋跑來跑去又累到不得了,當時我全身的汗比我跳一小時的 bodyjam 還要厲害。真係火都o黎,立即就飛的士到英國領事館。

的士抵達領事館,黑仔的事情又再發生。原來呢,辦理申請護照的部門是只開放到 1.30pm,我的到達時間為 1.34pm!!!! 門口那位外籍護衛員哥仔非常極有禮貌又體貼的告訴我,可以先填好 form 明天再來就方便得多,跟入境處那位四眼蛇職員的態度有如天壤之別。

結果,整個早上除了拿兩張 form 走,就甚麼也沒有做過。

最後呢,還是得今早再去多趟,乖乖的奉上那 HKD$1905 (跟歐羅掛勾後座地起價),那個職員小姐笑容滿面又非常 helpful (我瞄到她是披 Dior 披肩的,有 taste,加分),答應幫我做快證,趕工 3 個工作天內做給我,要不可能我就上不到機了。

不過無端白事又要多花 HKD$2000,令我非常肉赤。慘。

T.T
匿名 說...

我上年去旅行都係出門先知冇passport喎。
不過當時去申請特區護照,只要出示旅行社文件/機票,就可以特快,4日Okay!仲記得serve我個女仔幾好禮貌架....
你唔好彩啦...

by 阿yeah

素顏天使 說...

阿yeah > 你好好彩!! T.T

因為我再打去入境處個 hotline, (個電話錄音) 佢都有講話要注意去旅行係唔可以構成緊急出快證的理由. 其實我個袋當時係袋齊晒o的機票果o的o野, 咁個職員咁講我唯有走囉無辦法.

不過我都係最唔 "gur" 都果條友o的態度. 差到爆!!!!

JZ1 說...

我細佬舊年出trip,又係BNO過左期,又無特區護照。結果即刻帶齊野上灣仔入境處大樓,星期五上去,星期一拿證,星期二順利起程。可能佢好彩,佢話入境處d職員好nice...

而我亦聽過case係有機票,就算只係去旅行,只要有個合理解釋都ok。比起BNO咁貴又少d免簽證國家,特區護照確唔錯。(雖然我以前曾經覺得BNO好d...)

素顏天使 說...

JZ1 > 我無話本特區護照唔好, 個問題係果位四眼職員真係咁樣同我講話去旅行唔係理由囉~ 咁喎! T.T 總之係我黑啦, 撞著o的害群之馬.

JZ1 說...

我明,特區/BNO各有優點。(我好鐘意BNO個封面...) 可能都係緣份掛,算啦!
祝旅途愉快!

匿名 說...

我估係個職員表達得衰...講d唔講d...

佢只係講左一半「去旅行唔係理由」.....下一半係「如果你出示到機票 / 旅行社發出的行程收據」...就可以做快証了!

我有朋友下午要飛...上午發現特區戶照過期..半日就攪掂..仲唔洗加錢添....

素顏天使 說...

ding > 唔係呀, 佢有講o架, 佢話去旅行唔係理由, 我有話我有機票同埋 18th 號要飛, 佢都堅持係 22 號, 講o左 2 次一定係 22 號無得早!!!

匿名 說...

你真係唔好采...
但係唔係好明, 又話10個工作天, 但點解你6號問, 要22號先有?照計16號都有啦....
而且個哥哥仔雖然態度都唔係咁好, 但佢講既"旅行唔係理由"又係對喎...只可以怪佢太執正黎做, 而且大熱天時你又要走黎走去, 我睇你心情都唔會好好, 或者人地都冇心"囉"你架, 可能你都interpret錯左人地呢.
其實都係小事, 算啦, 都比左2000, 去玩就要玩得開心d, 唔好放在心上啦.

匿名 說...

工作天, 你都識講啦................

匿名 說...

個個職員真係搞錯左喎!!因之前我同mammy去旅行,佢都同我地做快証,而且態度重好好.
不過你依家都做左bno,都無浪費$2000既!!去旅行開心就咩都抵返哂啦^^

匿名 說...

其實上面果d人兄無攪錯,果位職員都無講錯...
以前特區護照係可以用以旅行為理由,
申請搞快證
但今年年頭入境處己經改左例,
唔再接受雨依個原因批快証~

匿名 說...

家事、殯喪、公幹係理由,有親戚朋友結婚都係理由,去玩去消費真係絕對唔係理由,肯定果個入境處友頭上都有個bubble "是但話公幹咪得囉,你話去邊度公幹我鬼理你咩,一開聲話去旅行我點幫你"

匿名 說...

我之前去旅行都係同你一樣
係兩個星期前先發現本BNO過期
打去問入境事務處一聽就知大獲
搞到要去英國領事館辦BNO
大拿拿無左成2000蚊(連速遞)
不過人地D態度真係好好
唔知係咪無咩野做既關係
做野好快又有禮貌
不過係個安全檢查煩D

by ivan

eu 說...

特區護照以前(2004)有快証, 3小時就有!
因為dave做過! :P
佢臨出發前一晚 , 先發現佢本BNO過左期,
第2日早上10am機, 於是比左$500改下午5pm機,
跟住晨咁早la la lam 去出本特區護照,
入境處極之nice wor!

匿名 說...

18th 號上機...
就算話去遊行有機票COPY 俾佢睇都做到快証喎...

咁...真係唔好彩...

不過記唔記得個 4 眼職員咩名, 咩冧吧?
打去投訴佢啦!!!!

匿名 說...

咁擺明就係玩你啦 , 可能佢睇你唔順眼

匿名 說...

我試過0900去,同一日1600有得拎返本hksar passport~
我都係去旅行架,帶埋機票去畀佢睇!
不過我就同佢講個reason係公司突然要我出trip~
講真如果個reason係去旅行又真係有點兒那過,但個職員冇禮貌亦不對啦...

匿名 說...

我就從來冇申請過HKSAR passport, 寧願比貴d都用BN(O), 因為持區護照個樣太似大陸護照嘞, 而大陸同胞向來在外國形像都唔太好….我啱啱由香港放完暑假返英國開學, 响Heathrow 機場入境處排隊時我親眼睇見到有兩個香港人(楂持區護照)被請埋一邊, 同大陸人一齊慢慢等, (應該有排搞)…而我楂BN(O),個官員就係咁意問我幾時開學? 十秒就搞惦。

話時話持區政府真係以本傷人, 鬥平同英國佬「搶客」!

匿名 說...

首先, 快證呢樣野改左例啦, 就係太多人大
安旨意咁做快證, 你估人地真係咁得閒服侍你?
我覺得如果香港人再繼續濫用, 明明自己護照
過期唔留意, 又吹水話公幹, 你信唔信遲早
連呢堆理由都唔俾造快證?

同埋邊個話 BN(O) 無用? 呢個世界,
多一個機會就係多一個機會, 當你如果因為
造唔到護照而損失一萬幾千蚊的套票加假期,
你寧願俾 $1,9xx 造 BN(O) 定死等
特區護照?

仲有我會咁睇, 每個人鍾意用邊本護照係每個人的權利, 貴又好平又好, 有快證又好無快證又好

但我覺得如果單憑上入境處加英國駐香港
總領事館網站就斷定 BN(O) 入簽少過特區
護照, 只可以話係你膚淺, 免簽與否係入境
國決定, 而且事實上兩者的網站資料都唔
update, 最大分別莫過於所有即將加入神根
的國家, 以及法國屬土都已經俾 BN(O) 免簽,
你知唔知呢度已經有廿幾個 quota?

匿名 說...

呢度有個web專討論BN(O)及居英權問題, 好實用!!



http://www.britishhongkong.com/cgi-bin/YaBB.pl

匿名 說...

I always travel with BN(O) passport and I can't see any problem with it. It is belong to every Indigenous Hong Konger. We should pround of it!

To compare with other travel documents (such as HKSAR), whatever the passport cover's design, the issuing countries' image and reputation, the sufficiency of consular support, BN(O) is a absolutely luxury brand passport! (That's why it costs HK$2000!)

Designed by OddThemes | Distributed by Gooyaabi Templates