《出軌的女人》

WARNING:本文內含大量劇透,不喜勿讀。

好久沒打「電影觀後感」,不是沒看電影,但看了有特別感覺的沒幾套。這套《出軌的女人》,很難得,讓我非常的「有感覺」,我才剛從戲院出來沒兩小時,立即就打了這篇。

因為兩個名字我很久之前已經想要看這套戲:吳家麗和夏文汐;看過預告片,就更加覺得是非看不可。

一直拖到上影了兩星期才有空去看,還因為約不到人,索性單拖都要去。

本來我想寫「可能是我太有期望,所以...」blah blah blah 來為這部電影開脫,畢竟這電影有我非常非常喜歡的吳家麗和夏文汐,但抱歉,我不打算這樣寫了,散場的時候碰到另一女友 T 小姐和她的友人,我們都「We-Lee-嘩-啦」的在「討論」這戲,大家互相問好的第一句是:「你求先有無笑呀?」「我笑到死o左囉!」

一言蔽之,失控。

其實電影的首三分一還是很正常,特別是開首時陳偉霆對著余安安示範「起機」,還讓我對之後的場面有所期待,以為會是同樣的大膽和寫實。但很可惜,沒有,那些對著記者宣傳說是如何如何大膽的場面,連電視劇的情慾戲都比不上;你說熟女如吳家麗夏文汐不便露肉,Fine,我接受她們所有做愛的場面都穿衣服;但葉璇呢喂?葉璇是後生女扮熟女 (30 歲是後生女啦 OK?),最露也只是露個膊頭呀!你說那是「意識」大膽嗎?一般的做愛場面又何大膽之有?全部都是室內呀,全部都是一對一的呀,全部都是一男和一女的呀!還不如 30 年前夏文汐在《烈火青春》那電車情慾戲。

講真,演員們的演出是十萬個落力,尤以陳偉霆是出奇的討好 (......雖然他的樣子現在變得很像向佐),但劇本不濟是事實。以飾演黑白哥的杜汶澤殺掉「鴨仔」龍仔作分水嶺,那還滿有驚喜的三分一正常場面後,之後就是越來越失控了。

先是陳偉霆飾演的 Bill 原來有個分身細佬叫阿 Ben 幫手做鴨,都算了;然後是葉璇飾演的 Josephine 才是幕後主使人,指示 Bill 主動親近夏文汐飾演的 Alice / 萬太太,但葉璇本身「暗戀」夏文汐(期後又踢爆她倆曾經是有關係的戀人),如果只為哄她開心,又怎麼會帶她去叫鴨?最後被 Bill 殺死又是一失控位。她電暈陳偉霆脫下衣服那幕,全場爆笑,喂呀「Nel Nel」(張學潤 Nelson 是服指),黑色皮 corset 不會讓她看起來強勢呀,對於一般香港觀眾,我們是會以為她會拿出條皮鞭來大玩 SM 的呀!

吳家麗那條線戲份其實最少,但同樣神奇,老公是同性戀,OK,靚仔司機譚俊彥暗戀自己,都 OK (雖然我不明白為甚麼譚跟吳表白時,吳說:「邊個都唔得係你唔得?」咁點解唔得先o架大佬??又無鋪排又唔解釋!),但結局那個算是怎樣呀?連阿囝囝都接受父母玩同一個男人嗎?!!

感覺上,導演是太貪心,把所有的「爆」元素都硬要加進電影。我懷念當年拍得出《戀愛季節》那種清新小品的潘源良呀!究其原因,可能因為這是潘導隔了那麼多年之後的首部作品,加上 budget 大了許多,就會有失控的狀況。

除了演員本身表演出色外,還有兩個讚:第一讚,杜汶澤的角色黑白哥,他對 Josephine 的那份愛真的很無私 (明知對方愛的是夏文汐不愛自己;自己有早洩的毛病,讓對方召男妓,還替對方善後),讓人動容。

第二讚,林憶蓮主唱的電影主題曲《兩心花》,久違的廣東歌唷!好好聽。

總結:等 DVD 啦,當笑片看,不錯。

申延連結 -- 《出軌的女人》Facebook 專頁
Unknown 說...

死啦, 我睇完預告真係超超超想睇架!見到你D 影評咁"絕", 仲睇唔睇好?? :P

素顏天使 說...

Jims Hui > 去啦,去「引證」下我講o既o野都好呀。XD

聶秀康 說...

收到!等DVD ,我同樣對杜sir套單身男女抱觀望態度,妳點睇?家下睡覺,晚安

聶秀康 說...

明白!等DVD ,同樣對杜Sir套單身男女抱保留態度,妳點睇?

素顏天使 說...

聶秀康 > 凈係個 cast 已經好唔 convincing 啦!古天樂同吳彥祖有咩可能會爭高圓圓呀,你話劉青雲同吳鎮宇就有可能o者!

Cheng 說...

聽到兩首林憶蓮既新歌都值得既

audreY 說...

尤以陳偉霆是出奇的討好 (......雖然他的樣子現在變得很像向佐)

十個同意﹗﹗但似乎向佐更「天然」一點...

Fun 說...

即係咁,喪失望!

成套戲秉承左港產片既“優良傳統”,令人失笑既頻率非常高..

吳嘉麗響更衣室推夏文汐落地個下,唔係唔爆笑下嘛,兒嬉到。其實拍個陣無留意到,剪完晒再翻睇無理由收貨啦掛?!

同埋阿導演太貪心啦,加咁多奇情橋但又execute唔到,搞到亂晒籠..

另外葉旋姐姐演戲係ok的,但點解講野成日都唔擘大口,鬼食泥咁做咩先?

唉.. 真係o徙左個cast..

TT 說...

其實最難明係林子祥既出現, 乜解先? 我assume最後嗰幅畫就係指林子祥講個幅, 又有乜特別啫??

我其實都係誤打誤撞被朋友帶去睇, 之前冇乜research過, 仲傻到抱住睇"等愛的女人"續集心態入去, 開頭係ok架喎, 以為有得笑下, 點知成套戲笑又笑得一半藝術又講唔上劇情更加欠奉, 一句講哂: 把鬼!

TT 說...

其實最難明係林子祥既出現, 乜解先? 我assume最後嗰幅畫就係指林子祥講個幅, 又有乜特別啫??

我其實都係誤打誤撞被朋友帶去睇, 之前冇乜research過, 仲傻到抱住睇"等愛的女人"續集心態入去, 開頭係ok架喎, 以為有得笑下, 點知成套戲笑又笑得一半藝術又講唔上劇情更加欠奉, 一句講哂: 把鬼!

kam lam 說...

套左trailer以為好OK,戲未睇,但睇你既影評,我覺得好似畢打自己人,寫下就話阿邊個係卧底,阿邊個原來又係卧底咁...好失控咁...@@

活在異地的熊貓 說...

我睇了阿杜既單身男女, 一樣唔合情理
仲有少少抄襲成份, 便利貼示愛, 好似抄英國既一個短篇劇 "Post it love"

Unknown 說...

好搞笑...頭先我男朋友從洗手間出黎...佢望到我個電腦...講左句...E...向佐有新戲呀?
我即刻笑左....


(......雖然他的樣子現在變得很像向佐)

Designed by OddThemes | Distributed by Gooyaabi Templates