甜品革命

港式甜品店開得滿街滿巷也是,這說明了甚麼?一、甜品利錢高;二、甜品難度不高,要做得難吃是很高難度。但這家甜品革命真的非常難吃,能夠做到那麼差還真有難道。

昨跟袁健和 PY 他們出去,他們就問我怎麼還未寫出來鬧爆這家店,好的,徇友要求,立馬就寫!

話說之前又是一行四人去了旺角的新水記 (相關舊文) 吃飯,晚飯後找地方吃甜品去,袁健說記得雜誌推介過一家甜品店,謂是甚麼新式甜品云云,店在朗豪坊附近。環境類似許留山,又是小小的桌小小的椅子之類,桌子也沒擦乾凈。比較奇怪的是,這家標榜年青口味的甜品店招呼我們的個老伯,而老伯本身應該不是真的在這店做侍應,該是老闆的家人客串客串的吧; 當然家人客串本身是沒問題的,我絕對歡迎,因一般來說如果是店自己有份,招呼應該會更好對不?不過這店完全是相反的,問他推介他就含糊的回應;其他幾個沒事幹的年青侍應,則躲一旁聊天。

點了好幾款的甜品,事隔個月正確的名字我都忘了 (部分甜品在 Openrice 找回名字),點的幾個都是他們餐牌上的**推介**甜品,但用料差,食味差,賣相差,價錢貴則是我們四人的共同感覺。

火燄法式玉桂燉蛋伴雪糕,賣相極衰!好像很「辣邋」的樣子。上面那層東西 (我都不知道為甚麼連糖都要省) 又不脆又不甜,加上劣質雪櫃味假士多啤梨味雪糕球一個。哪來的甚麼火焰???我們就真的吃到一肚子都是火燄了!

榛子麵包布甸二重奏,完全巔覆了我對麵包布甸的認知 — 因為我著實不知道這個是甚麼東西!質感極度奇怪。還有整碟東西都是有雪櫃味,包括那個廉價雲呢拿雪糕球,是劣到覺得應該是國內入貨那些超廉價雪糕。

這張照片 out-fo,我記得好像是甚麼特式荔枝啫喱加上西米之類的東西,水稀稀的一碗不知道甚麼鬼東西,同樣附上劣質雪糕球一個。整碗就像我們用雪糕挖掏雪糕,都會拿個碗子盛點水,用來浸著那個雪糕挖,這甜品就好像那碗水一樣 — 你現在懂我的意思了沒有?

唯一比較正常的是心太軟,但是絕對談不上好吃,用的巧克力是很廉價的貨色,旁邊那個同樣雪櫃味的曲奇雪糕,還有幾片應該是切好擱了一天的切片水果。但這一盤劣等甜品,竟索價 HKD$50!

總的來說,如果以上甜品每款只是 HKD$10 我覺得可接受之 (但講真如果知是這個 quality 就算送給我亦不會吃),但這裡賣 HKD$40~50 一個,如此價錢加上質素,開店的人在侮辱客人的味蕾,實在罪無可恕。

可憐袁健被我們幾個鬧到爆!這家甜品革命亦已黑名單之。

-----------------------------------

甜品革命
地址:旺角豉油街15號萬利商業大廈地下1號舖電話:2994 0299
菜式:港式 / 甜品
homan 說...

哈.....上星期六在旺角食完飯, 想隨便食點甜的, 見不同等位, 就入左去, 就賴左野啦, 坐低見到鄰坐的甜品都已經想走啦, 又不好意思, 只好4人叫2個甜品, '那聲'食完走人算啦, 以前係'平野無好野', 而家係'唔使等位無好野'

mxhysteric 說...

我上次都叫埋D朋友仔去食,我叫左心太軟,黎到既時候上面白色既糖粉濕既,變左好似有層"毛"菌咁...見到都唔想食,我問佢D職員上面果層咩黎架,佢話係咁架啦...
真係好火,我都BAD LIST 左佢喇!

paradarz 說...

我好少留言,但係都忍唔住要講返句
我平時食野唔算講究,但上次真係食到我屎都滾!!!!!難食到暈!!!

Unknown 說...

我食過覺得唔係好好食
但未至於超差既
不過好耐之前食
可能而家每況愈下

Fox 說...

好少見你咁火,搞到我去左or睇d評價,嘩見到正評個d相我都想想地嘔
fox

Unknown 說...

如果你肯俾多次機會佢, 試試招牌「椰果子」系列的甜品. 同佢D西色甜品有天壤之別

素顏天使 說...

Ching Wan > 但我試果幾款恐怖嘢都係佢招牌之作,menu 係咁寫的!

陳大詩 說...

佢剛開張時我都有去食,
的確椰果子比其他西式甜品好(亦好唔得幾多)..
一年前我都badlist左lee單甜品店,不過唔係因為佢d 野食比之前差左好多,
而家staff 態度真係差到冇朋友,
十問九唔應都算, 但食甜品為左d 咩?係想同三五知己吹多陣水ma~!
lee間野收野收得奇快,收時順手問你有冇野追加,咁答佢「冇」, 佢就即刻變張單出黎, 趕客到呢..
打後免費都唔去呀, 又唔係食左曉飛..

石先生 說...

剛開店的時候還好,難得附近沒有這類型的店,也可以當作選擇之一,但後來愈來愈差,直接不當作選擇之一。

Designed by OddThemes | Distributed by Gooyaabi Templates