噁心

不知有沒有人記得,我曾經寫過一篇關於我的好友 X 先生 (假名) 苦追一個女孩子 M 小姐 (假名),追了年半的故事。

網上常閱到有關港女的的一些惡行行為,說老實,我真的不認識任何一個女生是這樣的,或者應該說,我不曾認識一個女生能夠做足那些行為還能夠生存於香港。直至認識了 M 小姐,我第一次見識到,一個這樣全面的「港女」。

這位 M 小姐跟我的友 X 先生認識多年,但不算是相熟,直至年半前才忽然熟落起來。X 先生那時剛失戀,就想追求 M 小姐做女友。

這裡先略為再交代一下兩位的背景,M 小姐差不多 30 歲,兩分姿色,中規中矩,做船務 OL,唯一較特別的地方是跟我的友 X 先生一樣熱愛運動。我的友 X 先生,30多歲,普通人,高高大大,不特別有錢也不是特別窮。

X 先生這年半來做足所有追求一個女生該做的行為,開車管接管送隨 call 隨到,節日/平日都送大小禮物,最小每星期一次的浪漫晚餐,還未計算某些富貴運動。照計見得這樣頻密,連情人節都在一起晚餐的二人,是很有機會成為戀人的對不對?對,X 先生也是抱著這樣的希望的。M 小姐也一直回應說自己是需要時間觀察,因為自己是個對待愛情很認真的人,甚至說打算去旅行時就正式在一起。

後來約半年前開始,X 先生開始帶 M 小姐進入他的朋友圈。

不久之前,M 小姐忽然發爛,說我的友 X 先生告訴他的友人們他倆的事,這樣會給她壓力,就開始反面不認人。那時 X 先生還超級苦惱,不知該怎樣才能哄回 M 小姐。怎料一星期後,X 先生發現這位 M 小姐,跟 X 先生的朋友圈內的一位新朋友「撻著」了!而這位新朋友,跟 M 小姐最多只認識了一個月。

好啦,這仍然是很一般的「愛情」故事對不對,X 先生也是這樣想的,追不到,無法,唯有生自己的氣。後來,M 小姐發短訊給我的友,說要歸還一些衣物 (X 先生在冬天時見 M 小姐衣衫單薄借她披上的一些大衣),單方面的來個一刀兩斷。問題是,M 小姐並沒有提到要歸還她借了 X 先生的錢,還有其他貴重物品喎!她只肯還那些她認為是無用的東西囉!

後來我才知道,原來這位 M 小姐曾經分多次以交學費等理由借去我的友前後差不多萬多元,X 先生借錢給 M 小姐時,生意上也碰巧有點 cash flow 週轉問題,但為了自己喜歡的人,仍然肯借出金錢,這些事 M 小姐都知道的。

還有呢,因為手提電話壞掉,借意跟 X 說想要部 PDA phone (雖然我不明白一個葵涌 OL 有甚麼日理萬機得要用一部 $3000多的 PDA phone),X 不是傻子,當然不允。後來這位 M 說要找她的媽媽用信用卡付款,媽媽又不準,X 見她可憐,答應替她先用信用卡付款,買了部 HKD$3000 多的電話,但說明這是借的不是送她要分期還的。當然,落到 M 手中又無端變成禮物。

又有一部 iPod,是 X 的前女友送 X 的生日禮物,M 在 X 的車上見到,又說要借來去旅行用,一借,當然無回頭。說起來,M 也不停暗示自己想要一隻 Cartier 的表,不說,還以為 X 在追哪個女明星。

後來呢,幾經週旋,前後很多個 email / 短訊,M 小姐前陣子一次過把那些借了的錢呀財物全都歸還 (不包括手提電話的錢)。事件算是告一段落,本來是沒打算在這裡寫的。不過我昨天聽到一些事,覺得還是得要把這個寫出來。

***********

X 先生的一個女友人 B 小姐 (假名),跟 M 也認識,但不熟。前晚半夜致電我的友,甫接通就破口大罵。話說 B 小姐前天去某個場合,那位 M 小姐也在,M 小姐一直在 X 面前說得自己像隻無辜的小綿羊,這天卻跟她的友風騷的說起 X 先生的事。其中有一件很好笑,這裡原文照錄。

「係呀!我係玩佢呀!佢勁 cheap 囉,聖誕節佢送o左對耳環比我, HKD$2000, 咁我唔鐘意又再去換啦. 之後我o地去揀禮物,o係 XXX 果度呢我睇中o左隻錶喎,HKD$10000 之嘛!佢見到咁即刻黑面囉,然後買o左隻 HKD$5000 o既表比我囉,cheap 到爆!」


這隻 HKD$5000 多元的表,不在前文提到的歸還 list 裡邊。所謂無功不受祿,這位小姐甚至不是 X 的女友,我不知這個賺 HKD$10000 不到月薪的她憑甚麼覺得自己 deserve 一隻萬多元的手錶,然後一隻 HKD$5000 元的錶會叫做「cheap」。

塞翁失馬,焉知非福。小小錢就可以看清楚一個人,抵到爛。祝她的新男友好運!


申延閱讀 ── 香港網絡大典內對港女的詮釋
匿名 說...

影衰哂女人呀 ~ 執到真係點止喊三聲 , 直頭要喊一世.

匿名 說...

X先生愛M小姐什麼呢?
仲要追年半,X先生真係一個好男人呀!

宇宙人 說...

成日講男講女都聽到厭晒 la~
有時覺得 e d 只不過係機會率

係外國生活左一排就開始發覺, 其實最大分別唔係買唔買名牌貪唔貪錢, 而係香港人睇得太重. 拍拖對象好似選拔太空人咁, 男既要十項全能有錢大隻靚仔, 女既要入得廚房出得廳堂仲要上得床. 鬼佬鬼妹就簡單得多.

打個比喻
鬼佬拍拖就好似單元肥皂劇, 唔岩睇又 next season~
香港人就好似史詩式大長篇, 拖拖久久, 似斷不斷 (但係"長度"就真係 ...)

我對自己對人心理質素都係有要求既人, 但係唔會著眼係 d 細眉細眼, e.g.化妝品/手袋/打機/名牌 etc. 而判人港男/女.

宇宙人 說...

另, 有關 PDA 電話, 又真係痴線. 我記得臨走前仲見到有唔少帥/OL用 !!

姐姐們, 你地係唔係用得晒佢 D PDA function 呀 ???

m(_ _)m

匿名 說...

=.=

好鬼恐怖的雌性動物
原來香港係咁危險的

睇完真係覺得自己真係好cheap
連結婚戒子都只係三千幾 XD

素顏天使 說...

宇宙人 > "我對自己對人心理質素都係有要求既人, 但係唔會著眼係 d 細眉細眼, e.g.化妝品/手袋/打機/名牌 etc. 而判人港男/女."

我一路講緊o既, 都係呢位小姐如何欺騙 X 先生 感情 + 時間 + 金錢, 一路都比希望佢, 等我 friend 以為有機, 到最後仲直認係玩我個朋友喎. 呢o的唔叫港女叫咩先?

會唔會係你自己睇得細眉細眼o左呢?

素顏天使 說...

Crystal > 據 X 所講, 愛佢有共同嗜好 (你知無乜幾多女仔會愛滑水愛到一個禮拜滑3次) / 傾到計 / 投契.

Q > 據聞, M 那位新男友, 拍拖無耐已經送o左 M 一套 $6K 的滑水套裝, 呢套o野 M 都有扭過 X 買, 不過 X 無買.

P > 我唔覺得 cheap 係可以用個銀碼來衡量, 或者幾多錢就等於 cheap 唔 cheap. 果個小姐講得出最尾果番話, 呢o的先叫 cheap 囉.

宇宙人 說...

咁我都覺得 M e 種人好嘔心, 簡直係現代女人之辱~ (男人講有說服力嗎?囧)

不過成日 label 港女港男就真係無必要 lor. 畢竟大家都係香港人嘛.

Carrie 說...

這個女子驚為天人啊....

素顏天使 說...

宇宙人 > 喂喂喂! 我幾時有成日 label 人係港女/港男先? 你 check 翻我呢 1 年o既 post, 談及港女o既連埋呢篇都係得 2 篇. 如果咁樣叫成日, 我無o野好講.

講真, 個女人唔做到咁盡, 我都唔會話佢係港女. 我明白果o的貪慕虛榮呀, 揀擇 e呀 .......etc. 呢o的 typical 港女特質係人皆有之, 但係佢真係做到足, 人辦一樣喎!

總之我唔會收返我 label 佢做港女啦!

宇宙人 說...

我唔係話你成日label 囧

不過見到 d 人成日一提起名牌就港女, 打機就港男, 聽到厭, 講多兩句o者...

你無鬧錯 ga ~ =.=b

匿名 說...

素顏,

我就住個位小姐的「邏輯」講笑自嘲吓嗟, 唔好咁認真。 :p

不過你朋友已算好彩, 只係用左半年 & 追得返一部份財物,唯有當睇清一個人囉。

我知道有更犀利的case, 姑稱之為 J 小姐。J 結婚擺酒當晚畀老公發現出面有情夫 (之前當然衣食住行都係個老公畀), 同老公反面分居後同情夫同居之後再搭上二個,同情夫分手搬走個陣連枕頭床單都拎走埋!

我地呢班局外人聽到 o 晒咀… 利害在 J 冇乜姿色,但仍可耍到班男仔氹氹轉。

素顏天使 說...

P > hahaha, 咁我都係講事實je.

其實我發現好多呢o的例子, 果o的女主角都只係中庸之姿, 比上不足, 不下有餘果隻. 但唔知點解一樣有一大堆觀音兵.

匿名 說...

我都估唔到佢會gum講.我都要寫個'服'字!!
唔講唔知.B call 我時我重叫佢唔好勞氣tim.. haha

Nana 說...

粗體個度我差d睇左$50000= ="可能我向來打口語化都唔會打個o字or零分係前面= ="嚇死我,我心諗:下...點解買隻$50000仲叫cheap?!
= ="好彩係我睇錯...

如果我係你朋友= ="我寧願唔要個有共同嗜好ge女朋友好過(雖然你朋友無同佢一齊到...)

匿名 說...

飛Q咗佢喇
你個x友真係要還神

匿名 說...

這樣子的人我在中學和大學中也見得到…… 都唔知咩世界, 十o靚廿歲, 自己都未識搵錢就要男朋友仔送Gucci、LV =_= 仲要半分姿色都冇、一邊笑欣兒係醜人多作怪(無視客觀現實她們跟欣兒沒分別、或更差),一邊又打扮到不倫不類、化到成寸厚粉……
可預見新生代港女會比M小姐更可怕。

simcity4000 說...

借第三者(物質)黎玩弄未叫最高境界,打心理戰先至多人驚,比港女還高一班,不過付出得多,跌得亦相當痛楚。同呢類型做朋友,浪費 quota。

-- 搵食

Tim 說...

一個願打一個願捱,其實無乜所謂也,男人之家,付出了的唔應該想住收番,禮物如是,錢財也如是。就算從來無真正做成情侶,相處的時候M內心也必然覺得充滿浪漫吧。

素顏天使 說...

Tim > o拿o拿o拿, 我諗一般的 situation 之下你講o的o野係成立的. 不過以家係個女仔(初初)主動提出只肯還幾件衫, 佢借走果o的 $ 同其他o野提都無提先令 X 最激氣.

事實上, 由頭到尾, X 都無講過要個女仔還任何禮物, 甚至果的 $$$ 都無諗過佢會還. 最終, 個女仔亦無諗過還包括果部跟本唔係禮物的手提電話, 只係還左部分借走的物件同埋 $$ 囉.

借同送, 兩回事喎哥仔~

eu 說...

原來咁叫"港女"
我身邊真係未遇過,
真係大開眼界!

匿名 說...

>小小錢就可以看清楚一個人,抵到爛

嘩嘩嘩!一d都唔少啦......

呢種行為同老屈/搶有什麼分別?

匿名 說...

我曾經有一個類似M 的朋友, 她的口頭禪也是「勁cheap 囉!」 所以我曾懷疑M 是否就是我的朋友... 估唔到, 真係有好多好多這些影衰女人的女人!! 唉...

我都發覺, 會耍手段的很多也是中庸之姿, 我覺得男人會落搭的原因, 可能覺得這些中庸之姿不會懂耍手段吧?!

匿名 說...

viviiberries> 可能覺得這些中庸之姿不會懂耍手段吧?! good point wor.

Unknown 說...

就當經一事長一智吧.
咪仲好,而家x應該醒哂la.

Blackwidow 說...

my friend works and lives in HK now. He has no guts to go for "港女", too expensive that's what he said.

JZ1 說...

我也覺得心理戰比物質要求更難應付,自己亦曾面對過,那些進進退退,拖拖拉拉,無心扮有意,明明不喜歡你但又好像比機會你,很痛苦...

匿名 說...

jz1>未就係...見識過就夠la.可以話唔係所有女仔都係gum...

Meling Lam 說...

最後呢番話, 以前面的舖排來講, 尚算合情合理.

呢種女仔有個特點, 遇上追佢而佢唔岩的就利用到盡, 遇上佢like的就借突份糧比男人都得. 若然未報, 時辰未到o者!

hoyoyi 說...

she's such a bitch!!! your friend should feel lucky that he didn't attached or married with her.

i also have a friend, his brother attached with a indonesian chinese gal, she dun work & not continue her study, only love shopping, she ask her bf to get her a LV bag, and her bf bought for her, everyday he eat instant noodles, yet, this gf still asking more, staying in my friend's house never do cleaning, messed up kitchen everytime she cook... only will clean the place when her future parents-in-law coming over...

匿名 說...

你個朋友 X 應該慶幸只係"撞鬼"撞了年半!個女仔有工做,但係成30歲人,買部電話都要話叫阿媽"look"卡買,唔怕笑大人個口咩?口口聲聲話人cheap,口口聲聲話玩人,算把啦!原來佢簡單到連個「醜」字都唔識寫!
不過我會形容呢個女仔cheap,唔會用恐怖o黎形容佢,因為呢種事情,我係成20年前我個中學同學都係咁,14,5歲就扮病,扮窮去詭男仔錢!u__ullll

匿名 說...

ng g la.. No more my business la!!

匿名 說...

條女真係唔死都無用, 影衰晒港女$*&@&$$&%!!#

楊醒波 說...

好明顯M小姐唔值HKD$10000, 送隻HKD$5000既錶比佢,已經比多左佢.Oh佢想要部PDA phone 都好,唔係要部六千幾蚊的PRADA phone. 最終X 先生有冇同M小姐去到旅行?

素顏天使 說...

楊醒波 > 1) PDA Phone 都唔見得平, 2) 最終無去到旅行.

VC 說...

可怖!

真是真人真事?

素顏天使 說...

VC > 信不信由你, I have no reason to lie here.

Unknown 說...

無意中睇到呢個post...真係拍晒枱!
咁而家呢位x先生點呀?好人要有好報....
個女就....嘿嘿...佢死佢事. 佢呢D先叫cheap.... 死cheap精
Menei~

Designed by OddThemes | Distributed by Gooyaabi Templates