KOJI 闊弧度捲翹睫毛夾 / KATE gel eye liner

最近覺得好用的眼部化妝小物推介。

KOJI Curving Eyelash Curler 闊弧度捲翹睫毛夾


首先是這個日本製的 KOJI Curving Eyelash Curler 闊弧度捲翹睫毛夾,購自卓悅,HKD$108。(SaSa 貴一點,要 HKD$118;Log-on 最貴,HKD$125) 最先是在袁彌明小姐的賣物網站見到,得其大力推介之下,好多地方都經常賣斷市。


左面是一般的睫毛夾,右邊是這個 KOJI Curving。

應該是我買過的最貴睫毛夾了,但這個夾真的好用。我家都有好幾隻聲稱有 39mm 闊 (這個 KOJI 的其實也不過是 38mm)、甚麼 3D 超廣角之類可以一次過夾全眼的睫毛夾,但用了不會夾痛眼皮的,卻只有這隻辦得到。弧度可以貼服地沿著眼皮夾起睫毛,夾的時候因呈放射狀所以更捲翹。

這個 Official Site 內有教學示範和 TVC 收看。

* * * * * * * * * * * * * * * * * * * * * * * * * * * * * * * * * * * * * * * * * *

Kanebo KATE gel eye liner 眼線膠組


另外一個推介是 Kanebo KATE 的深啡色 gel eye liner 眼線膠 #BR-1,其實我之前也有買過另一顏色,黑色的 gel eye liner #BK-1,在自拍照一文中就有提及過。用深啡色的 gel eye liner 是日本方面的最新潮流,在今期的《ViVi》亦有專頁講到。轉用了深啡色眼線,眼睛看起來會比較有和善感,親和力即時大大提高!而且太實太黑的眼線,容易惹人有兇巴巴的感覺,一般的男生也不太喜歡女生的眼睛畫得太銳利啦。

碰巧我今日去 Bobbi Brown 修眉,都聽到 B.A. 跟另一顧客推介 gel eye liner 畫內眼線一流,因容易控制及易上色。我個人覺得 KATE 的 gel eye liner 其實比 Bobbi Brown 的更好用 (這兩者我家中都有),首先是價錢相宜得多,其次是 KATE 快乾度較高;還附有眼線掃,掃毛軟硬適中,可以畫出很 fine 很細的線條,粗幼隨意。而且也不像是 Bobbi Brown 的,用不了多久就會變乾。當然每次用完以後都緊記要立即旋緊蓋子,這樣才會更耐用。


價錢約HKD$70/2.5g (其實我忘了確實數字),日本製,全 4 色,於各指定屈臣氏、SaSa及 Colourmix 等專櫃有售。


今季代言人仍然是型到爆的中島美嘉,究竟她簽下了多少季的代言人合約呢?
匿名 說...

我之前買左資x堂的夾, 一d都唔ok, 等我去試下你呢個先~
不過我都係好怕用眼線膠, 感覺不易控制~

匿名 說...

我之前都買左KATE的gel eye liner(都係啡色^^)
真係好好用呀!!!
可惜之後我將眼線掃弄丟了Q.Q
宜家都唔知用咩代替好.

聶秀康 說...

我原先用開inioui又平又靚...
後來貪新鮮買了Bobbi Brown又要配筆,點知冇耐就乾左...都冇心機用...浪費掉...嗚嗚!

都係舊的好...

見妳推介的又身痕...

Tram Tram 說...

KOJI正! 我由做女既時候開始用,如果你響卓悅買48蚊果隻粗用都ok,同埋其下牌子既睫毛梳都好好用,夾完再梳又靚又分明!

素顏天使 說...

didi > 資生堂的夾其實都 OK, 另外植村秀的也不錯, 但貼眼度計就真係呢隻 KOJI 稍勝個馬鼻. 眼線膠唔難用架, 用慣就好易畫, 初畫唔好一筆過, 由眼尾開始逐的畫好似點點點咁點過去會易控制o的.

匿名 > 咁買多盒 gel eyeliner lor 唯有, hee hee.

聶秀康 > inioui 唔平哇~ 我都有支佢 liquid 眼線筆, 筆頭細但係難乾.

Tram Tram > 係呀佢睫毛梳我都有買, 有一款係有弧位的膠板仔連梳, 放化妝袋用好方便.

匿名 說...

我啱啱lunch嘅時候去咗卓悦,諗住買你推介呢個curler試試,點知冇喎就買咗同牌子no.73試下啦,$35咋!即刻入咗washroom試用,好OK喎我覺得,都有34mm,其實我覺得都夠闊!値得一試呀

blaire

聶秀康 說...

哈哈...說漏了,應是refill好便宜,幾十塊錢,還有它的眉筆都超好用70元有三枝.

Designed by OddThemes | Distributed by Gooyaabi Templates