和興臘味家

我是潤腸狂迷,如果出街吃的話,銅鑼灣的蛇王二 (相關舊文) 的脆皮潤腸是不二之選,如果在家吃的話,那麼就一定是上環的和興臘味家了。他們家的臘味全都是本港製,蠟腸水準老實說就普普通通,但是潤腸則非常不得了。

膠袋的樣子也是很舊式的味道

和興臘味家有六十多年的歷史,另有本地自設工場同樣在上環,不怕吃到那些國內的山寨工場出品。亦有「江湖傳聞」說就是他們供貨潤腸給鏞記的 (未經證實)。我買的這個只是最平實的普通版,玫瑰切肉臘腸和潤腸每斤各 HKD$90 (越來越貴......),買那無多主要是買給我媽。這店的蠟腸分好多種,越多肉 (加瘦) 越貴......都痴線嘅!怕肥學咩人食臘腸?臘腸要肥瘦均勻才是王道。一口油香混了一口肉,甘香甜美。要啃乾如柴皮的加瘦臘腸,我不如吃豬肉乾啦!他們家的腸衣雖然又未至於是脆口的那種,可薄是一定的,絕對不會又韌又老。

先用滾水洗一下表面灰塵,放飯面隔水蒸,跳掣就表示可以了。碰巧忘了買薑,不然會放薑絲一起蒸,味道更好;蒸好了才切賣相比較漂亮,再灑上荵花。潤腸每口都融和了酒香,吃得舌頭都開了花,加上那些臘腸蒸下來的油來拌飯。結果,兩大碗飯是走不了。

嗯嗯......怪不得那麼難瘦下來。

--------------------

和興臘味家
地址:上環皇后大道中368號偉利大廈地下5號 (即市政大廈對面)
電話:2544 0008 / 25456593
菜式:港式

5 則留言:

Tram Tram 說...

呢間既膶腸真係勁正,本身我好怕食膶腸,但每次都抗拒唔到佢既魅力!! 依家見到都覺得好餓!

非常同意你果句「怕肥學咩人食臘腸」,每次同阿媽食飯,佢都會逼我吐返哂d肥肉出黎,傻既咩!

btw,祝你新一年事事順利,食極都唔肥!

無聊人 說...

我不想潑冷水,但早前和興臘腸被食環署驗出含敢用色素,宜少吃

t 說...

我都好鐘意食臘味,尤其潤腸知到吾多健康,但講真家下好似食乜都吾多安全咁!邊驚得咁多!

素顏天使™ 說...

Tram Tram > 食極都唔肥真係好緊要!大家咁話,祝越o黎越靚~

無聊人 > 係呀我都有睇到呢單新聞,不過成年幾之前啦,我諗佢驗到之後點都有酌量減返o的o掛?同埋一年都係食少少o者,都唔驚得咁多 lu~:p

t > 所以我成日都話「該死唔洗病」,食左先算~ haha~

小臣 說...

我喜歡這句"怕肥學咩人食臘腸?臘腸要肥瘦均勻才是王道。"

昨晚在外母處吃了榮華的"健康臘腸",差點要開罵.

BTW,祝你今年甜甜蜜蜜,越來越靚.