美味廚

跟好友 AY 在老銅吃飯，(題外話 － 明明我又不是在銅鑼灣住或者返工，不知為什麼一個禮拜差唔多有五日都o係銅鑼灣的！) AY 要求的是平靚正，我同意，對於一個月中仲未收到 cheque 的可憐人o黎講這是十分重要的！

美味廚開業 N 年，其實又只有這個上海排骨菜飯是美味，其他的...老實說，挺不濟！但這個排骨的美味，暫時可說是全港第一！香、軟、惹味，豬排、薑和醬料勻和，那是這裡能夠多年兀立不倒的秘密。(加寧街喎！o的租幾貴先得o架！)

我另外要了一個凍豆漿，“jaan jaan 打咩”！完全唔掂！火農 味好勁！

AY 不愛飲料，要了個排骨飯之外，再要了個瑤柱豆腐羹餐($60)，quote 佢所言，十分唐人街風味 － 你話有幾好食呢？眼見料下的十分足，瑤柱下的特多，不過唔好食，落幾多都無用啦！

埋單共$117，我給$120，完全沒有想給我找續的意思！

－－－－－－－－－－－－－－－－－－－－－－

美味廚
地址：銅鑼灣加寧街 (i.t.對面)
電話：2577 8350
菜式：上海菜 ＋ 潮洲菜？
備註：位很逼不好坐，不合想舒舒服服攤抖之用。