男友小病中 (感冒啦~)，留我家中晚飯，食清淡少少。
以下是三個教學樣本，一個好o野，兩個"o賴"o左o野。
好好味，lam lam 月利，豉汁蒸排骨。
第一次做就大成功！
材料：豆豉 ＋ 排骨(一字排，約$15) ＋ 蒜 ＋ 指天椒(可落可唔落)
做法：
．排骨洗淨索乾水，老抽生抽糖先醃30mins。
．蒜蓉剁的極幼，豆豉用刀背搗爛。撈埋排骨再醃15mins以上。
．下豆粉、油和麻油，撈勻，再加水少許，撈勻，醃15mins。
．切指天椒絲，喜辣者可連耔放，不喜者 (如我) 則去耔切幼絲。
．放架上水滾大火蒸10-15mins。即成！
男友 grade 100分！呵呵呵呵呵呵！
(注意：此人嘴刁刁，絕非 tum 我開心，唔信睇埋落去)
得個樣睇得o下o既 水豆腐。
材料：淨豆腐花 (兩碗) ＋ 冬菇6隻 ＋ 肉絲少許
做法：
．um...唔講啦！總之因為最尾個獻埋得稀得滯同埋o的水太多o羅！
男友評：食落口第一啖已經皺眉 (shit！) 覺得稀得滯，勉為其難比 70分。因為係我逼佢比先有添咋！ =_=
我自己評：淡茂茂 lor！係呀！點jet！人o地呢味都係第一次整咋嘛！
連菜都整瓜埋！白灼蠔油小棠菜！
材料：小棠菜一斤 (嘩！ 平到爆！$2斤！ )
做法：
．咪放滾水淥熟佢囉~
．上碟時下蠔油，另再燒熱一匙滾油淋面。
衰o左o的咩：熟得滯 
我諗我淥菜果時發緊呆
死啦！阿林公子比我搞到佢平日嘴叼叼，我煮佢都照彈呀！
不過都係好事，我情願佢講真話，好過呃鬼我話咩都好食丫，right？
p.s. 買排骨時阿豬肉佬極出奇問我點解識買一字排，仲要問："嘩！邊個教你o架？咁叻o既？" 用o的問細路仔o既聲線問。嘻嘻嘻嘻嘻嘻嘻~ 佢以為我好細個呀係細路呀！咁我咪交足戲咁答："係呀！阿媽教o架o羅！"
係咪好想嘔呢？嘩哈哈哈哈哈哈！
發佈留言