我曾經係好鐘意食紅螞蟻o既焗飯，不過係五年前。
近年佢水準每況月下，就少o左幫襯。
是晚同男友行至百得新街 shopping，肚餓，又見佢有位，就入o羅~
不過個位就認真可憐，響個走廊度監生加張二人檯，坐得勁辛苦。
要o左個二人餐($168)，懶得諗。
鹵水金錢 月展 拼鴨腎，o的鹵水鹹得滯。都還可以。
香蒜肉碎炒雜菌釀脆玉瓜，唔掂，都唔知想點，瓜還瓜，餡還餡。你有你o既生活，佢有佢o既忙碌。
香檳芥茉汁焗牛肉飯，最差呢個。無香檳味無芥茉味牛肉又無牛肉味，失敗。
呢個最似樣，蜜糖銀鱈魚雞片焗飯，好食。飯夠乾身分明，雞片唔o鞋口，即係代表唔係焗出o黎o架o羅~
二人餐連兩杯飲品，甜品要另加$20，連加一大約$180。
早知都係去返 Pumpernickel 啦~！
－－－－－－－－－－－－－－－－－－－－－－－－－
紅螞蟻
地址：銅鑼灣京士頓街家居廣場地下四號舖
電話：2890 6788
菜式：港式
發佈留言